کوئٹہ: بلوچستان اسمبلی کے اجلاس میں مختلف محکموں سے متعلق سوالات کے جوابات موصول نہ ہونے اور سیکرٹریز کی ایوان میں عدم موجودگی کو اراکین اسمبلی نے اپنا استحقاق مجروع قرار دیتے ہوئے کہا ہے کہ اسپیکر کی رولنگ کے باوجود سیکرٹریز اجلاس میں شریک نہیں ہوتے انہیں اجلاس میں شرکت کا پابند بنایا جائے حکومت اور اپوزیشن اراکین نے انتظامی سربراہاں کو پروجیکٹ ڈائریکٹر لگانے پر بھی اپنے تحفظات کا اظہار کیا۔
کوئٹہ: بلوچستان اسمبلی کے اجلاس میں اپوزیشن اراکین کا اپنے حلقوں میں اسپیشل اسسٹنٹ کے مداخلت پر احتجاج قیادت پر الزامات لگنے پر اراکین میں تلخ وتنز جملوں کا تبادلہ ہواآزادی مارچ کی حمایت پر ایک مرتبہ پھر اے این پی اور تحریک انصاف کے اراکین اسمبلی آمنے سامنے آگئے۔
کو ئٹہ: بلوچستان ہائی کورٹ کے چیف جسٹس جناب جسٹس جمال خان مندوخیل اور جسٹس جناب جسٹس عبداللہ بلوچ پرمشتمل بینچ نے جامعہ بلوچستان ہراسگی اسکینڈل میں حتمی رپورٹ سے متعلق فیڈرل انویسٹی گیشن ایجنسی (ایف آئی اے) کو دو ہفتوں کی مہلت دیتے ہوئے ریمارکس دئیے ہیں کہ اسکینڈل سے پہلے سب سوئے ہوئے تھے،عدالت نے معاملہ اٹھایا تو سب کی حب الوطنی جاگ گئی،یونیورسٹی کو اتنا بدنام کیاگیاکہ والدین بچوں کو وہاں بھیجنے سے گھبرارہے ہیں۔
کوئٹہ: کوئٹہ سمیت بلوچستان کے مختلف علاقوں بارش سے موسم مزید سرد ہوگیا کوئٹہ میں بارش کے بعد بجلی کے دس سے زائد فیڈرز بند ہونے سے شہر کے بیشتر علاقے اندھیرے میں ڈوب گئے بارش کے بعد شہر میں بدترین ٹریفک جام نے شہریوں کو اذیت میں مبتلا کردیا۔
کوئٹہ: صوبائی مشیربرائے لائیواسٹاک وامورحیوانات حاجی مٹھا خان کاکڑ نے کہا ہے کہ دنیا کے سامنے بلوچستان کی مثبت پہچان کواجاگرکرنے میں بلوچستان لائیواسٹاک ایکسپواہم کرداراداکرے گا۔
کوئٹہ: بلوچ طلباء ایکشن کمیٹی کے مرکزی جنرل سیکریٹری سلمان بلوچ نے کہا ہے کہ بلوچستان یونیورسٹی انتظامیہ کی جانب سے یونیفارم لازمی کرنے کانوٹیفیکیشن حالیہ ہراسگی اسکینڈل کوچھپانے کی مذموم کوشش ہے،طلباء وطالبات کو ہراساں کرنے سمیت یونیورسٹی میں گزشتہ پانچ سالوں سے مالی کرپشن کی شفاف تحقیقات کیلئے ٹرانسفرپوسٹنگ کومنسوخ کرکے چیف جسٹس بلوچستان ہائی کورٹ کی سربراہی میں جوڈیشل کمیشن تشکیل دیاجائے۔
کوئٹہ: کوئٹہ میں گیس بندش اور گیس پریشر میں کمی کے خلاف احتجاج کا سلسلہ دوسرے روز بھی جاری رہا۔ حلقہ43 اور حلقہ27 کے عوام کوئٹہ پریس کلب کے باہر سراپا احتجاج بن گئے۔ گوالمنڈی چوک، ترین روڈ، سرکی اور ٹین ٹاؤن کے مکین کل گوالمنڈی چوک پر مظاہرہ کریں گے۔
کوئٹہ: وزیراعلیٰ بلوچستان جام کمال خان نے کہا ہے کہ اطمینان رکھا جائے بلوچستان میں ہونے والی بھرتیوں کے عمل کو میرٹ اور شفافیت کے مطابق مکمل کیا جائے گا،محکمہ تعلیم میں ہونے والی تعیناتیوں سے متعلق بے ضابطگیوں کی شکایات پر سی ایم آئی ٹی نے اپنی تحقیقاتی رپورٹ پیش کردی ہے،رپورٹ کی سفارشات پر عملدرآمد کیا جارہا ہے۔
کوئٹہ: بلوچستان اسمبلی کے اجلاس نے ضلع زیارت میں جونیپر کے قیمتی جنگلات کے تحفظ اور گیس پریشر میں اضافے سے متعلق قرار داد کی منظوردیتے ہوئے حکومتی واپوزیشن اراکین نے گیس پریشر میں کمی پر اپنے تشویش کا اظہار کرتے ہوئے کہا ہے کہ صوبائی دارالحکومت سمیت دیگر اضلاع میں گیس پریشر میں کمی کے خلاف عوام سراپا احتجاج ہیں بلوچستان میں بمشکل دس فیصد علاقوں میں گیس ہے گیس کمپنی اپنے نقصانات پوراکرنے کے لئے جان بوجھ کر گیس پریشر کو کم کر دیتی ہے جس سے شہریوں کو مشکلات کا سامنا کرنا پڑتا ہے مسئلہ کے حل کیلئے دیر پا منصوبہ بندی کی جائے۔
کوئٹہ : بلوچستان اسمبلی کے اجلاس میں آزادی مارچ کی حمایت اور مخالفت پر اتحادی جماعتیں آمنے سامنے آگئیں، اے این پی کے صوبائی وزیر انجینئر زمرک اچکزئی کا سابق وزیر اطلاعات پنجاب فیاض الحسن چوہان آزادی مارچ کے قائدین کو غدار قرار دینے کے بیان پر معافی مانگنے کا مطالبہ۔