کراچی: لیاری عوامی محاذ کے آرگنائزنگ سیکریٹری عبدالخالق زدران و دیگر رہنماؤں نے یونیورسٹی آف بلوچستان کوئٹہ میں طلبہ کو ہراساں کرنے اور بلیک میل کرنے پر یونیورسٹی انتظامیہ کی شدید مذمت کرتے ہوئے کہا کہ یونیورسٹی میں طالبات کو جنسی طور پر ہراساں کرنا کسی بھی مہذب معاشرے کی پیشانی پر کلنک کا ایک داغ ہے۔
کوئٹہ: بلوچستان نیشنل پارٹی کے رہنماؤں نے کہا ہے کہ اٹھارویں ترمیم کے تحت یونیورسٹیز کے اختیارات کوگورنرسے وزیراعلیٰ کو منتقل کرکے بلوچستان یونیورسٹی میں پیش آنیوالے دالخراش واقعات کی شفاف تحقیقات کیلئے وائس چانسلرکو برطرف کیا جائے، دالخراش واقعات کیخلاف بلوچستان نیشنل پارٹی کے زیر اہتمام 24 اکتوبر کو کوئٹہ میں احتجاجی ریلی نکالی جائیگی۔
کوئٹہ: سیاسی جماعتوں اور طلباء ایجوکیشنل الائنس کے رہنماؤں نے بلوچستان یونیورسٹی میں رونما ہونے والے واقعات پر تشویش کااظہارکرتے ہوئے مطالبہ کیا ہے کہ بلوچستان یونیورسٹی کے وائس چانسلرکوبرطرف واقعات کی شفاف تحقیقات کرکے ملزمان کو کڑی سزا دی جائے۔
کوئٹہ: میٹروپولیٹن کارپوریشن اورٹریفک پولیس کوئٹہ شہر صفائی ستھرائی،ٹریفک کی بحالی،پبلک مقامات کی تزئین وآرائش،پارکنگ پلازہ کے تعمیراتی کام کی تکمیل سمیت دیگرمسائل حل کرنے کیلئے کوشاں ہیں،شہر کی بہتری کیلئے عوام ذمہ داری کامظاہرہ کرتے ہوئے میٹروپولیٹن کارپوریشن اورٹریفک عملے کیساتھ تعاون کریں تاکہ مشکلات درپیش نہ ہوں۔
کوئٹہ : قلات کے علاقے بینچہ کے قریب قومی شاہراہ پر تیل برداری گاڑی اور کمشنر مکران ڈویژن کی گاڑی میں ہونے والے تصادم کے نتیجے میں کمشنر مکران ڈویژن کیپٹن (ر) طارق زہری محافظ اور دیگردو افراد سمیت جھلس کرجاں بحق ہوگئے۔
کوئٹہ: اکیڈمک اسٹاف ایسوسی ایشن جامعہ بلوچستان کے صدر ڈاکٹر کلیم اللہ نے کہا ہے کہ جامعہ بلوچستان میں پیش آنے والے ویڈیو اسکینڈل کی شفاف اور غیر جانبدارانہ تحقیقات کیلئے موجودہ وائس چانسلر کو عہدے سے ہٹایا جائے۔ ویڈیو اسکینڈل سے اساتذہ کرام کا کوئی تعلق نہیں ویڈیو بنانے والوں سے ایف آئی اے پوچھ گچھ کر رہی ہے۔
کوئٹہ: سیاسی جماعتوں، اکیڈمک اسٹاف ایسوسی ایشن و سماجی و طلباء تنظیموں کے نمائندوں نے کہا ہے کہ بلوچستان یونیورسٹی کے وائس چانسلر اور انتظامی افسران کو فوری طور پر برطرف کرکے طلبا و طالبات کو ہراساں کرنے کے واقعات کی شفاف تحقیقات کرائی اور بلوچستان کی روایت کے برعکس واقعات میں ملوث ملزمان کو کڑی سزا دی جائے۔
کوئٹہ: بلوچستان نیشنل پارٹی عوامی خضدار کے رہنماوں نے صوبائی حکومت اور متعلقہ حکام سے مطالبہ کیا ہے کہ اربن ڈویلپمنٹ قلات ڈویژن کے ایکسیئن کوعہدے سے ہٹایا جائے بصورت دیگر سخت احتجاج کیا جائے گا۔
کوئٹہ: جمعیت طلباء اسلام کے مرکزی کنونیئرہدایت اللہ پیرزادہ نے جامعہ بلوچستان میں مبینہ طورپرطلباء وطالبات کو ہراساں کرنے کے واقعے کی شدیدالفاظ میں مذمت کرتے ہوئے حکومت سے مطالبہ کیا ہے۔
کوئٹہ: بلوچستان اسمبلی نے یونیورسٹی میں طالبات کو ہراساں کرنے کے واقعات کی تحقیقات کیلئے پارلیمانی کمیٹی تشکیل دے دی، اراکین اسمبلی پر مشتمل کمیٹی واقعات کی تحقیقات کرکے اپنی رپورٹ ایوان میں پیش کریگی۔