کوئٹہ: کوئٹہ کے معروف کاروباری علاقے ڈبل روڈ پر پولیس مددگار کی گاڑی کے قریب موٹرسائیکل میں نصب بم دھماکے میں ایک اہلکار شہید اور4پولیس اہلکاروں سمیت11 افراد زخمی ہوگئے دھماکے سے قریبی عمارتوں کے شیشے ٹوٹ گئے اور قریب ہی کھڑی4دوسری گاڑیوں میں آگ لگ گئی جس کے شعلے آسمان کو چھونے لگے، صوبائی وزیر داخلہ کا کہنا ہے کہ دہشتگرد فورسز کو نشانہ بنارہے ہیں۔
کو ئٹہ: وائس چانسلر جامعہ بلوچستان ڈاکٹر جاوید اقبال نے کہاہے کہ گرفتاریوں اور ویڈیوز کی خبروں میں کوئی صداقت نہیں جنسی ہراسگی جیسے گندے فعل کی تحقیقات میں ایف آئی اے کیساتھ معاونت کرتے ہوئے اس کا دائرہ کار پورے یونیورسٹی میں پھیلایاجائے۔سوشل میڈیا پر جاری اپنے ویڈیو پیغام میں وائس چانسلر جامعہ بلوچستان نے کہاہے کہ صوبے کی سب سے بڑی یونیورسٹی جامعہ بلوچستان پر یہاں کے لوگ پورا بھروسہ کئے ہوئے ہیں۔
کوئٹہ: طلبا ایجوکیشنل الائنس کے رہنماوں نے بلوچستان یونیورسٹی میں طلبا وطالبات کو مبینہ طور پر بلیک میل کرکے ہراساں کرنے کے واقعات پرتشویش کااظہارکرتے ہوئے مطالبہ کیا ہے کہ جامعہ کے انتظامی سربراہ کو عہدئے سے ہٹاکر اسکینڈل کی شفاف تحقیقات کیلئے تحقیقاتی کمیشن تشکیل دی جائے اور ذمہ داران کوقرار واقعی سزا دی جائے۔
کوئٹہ: بلوچ اسٹوڈنٹس آرگنائزیشن کے مرکزی چیئرمین نذیر بلوچ نے کہا ہے کہ عدالت عالیہ بلوچستان یونیورسٹی میں مبینہ طور پر طالبات کو ہراساں کرنے کے واقعات کا از خود نوٹس لے اور واقعات کی تحقیقات کیلئے کمیٹی قائم کیا جائے جس میں سیاسی جماعتوں اور طلباء تنظیموں کو بھی نمائندگی دی جائے۔ واقعات کے خلاف تنظیم کے مرکزی کمیٹی کے اراکین کا اجلاس طلب کرکےآئندہ دو روز میں مستقبل کے لائحہ عمل کا اعلان کریں گے۔
کوئٹہ: بلوچستان فارماسسٹس الائنس نے20 اکتوبر تک نئی اسامیوں کا نوٹیفیکیشن جاری نہ ہونے کی صورت میں پیر 21 اکتوبر سے تادم مرگ بھوک ہڑتال شروع کرنے کا اعلان کردیا۔
کوئٹہ: جمعیت علماء اسلام بلوچستان کے امیر مولانا عبدالوسع نے کہا ہے کہ بلوچستان حکومت کاآزادی مارچ کو نہ روکنے کابیان خوش آئند ہے امید ہے صوبائی وزیر داخلہ اپنے بیان پر قائم رہیں گے۔ بلوچستان سے آزادی مارچ میں شرکت کی تیاریاں مکمل ہیں حکومت کے خاتمے کے بعد ہی ہماری واپسی ہوگی۔
کوئٹہ: بلوچستان اسمبلی میں پانچ مسودہ قانون منظور کرلئے گئے بلوچستان ہاوسنگ وشہری منصوبہ بندی کا مسووہ قانون قائمہ کمیٹی کے سپرد کردیا گیا امن و امان کے حوالے سے تحریک التوا پر بحث کورم پورا نہ ہونے کی وجہ سے مکمل نہ ہوسکی اپوزیشن کے رکن اسمبلی نے بدامنی کے واقعات کی تحقیقات کیلئے پارلیمانی اراکین پر مشتمل فیکٹ فائنڈنگ کمیٹی کے قیام کامطالبہ کیا جبکہ حکومتی رکن نے امن وامان کی صورتحال کو اطمینان بخش قرار دیتے ہوئے کہا کہ ماضی کی نسبت بلوچستان میں ہونے والے بدامنی کے واقعات میں 99 فیصد کمی آئی ہے۔
کوئٹہ: بلوچستان حکومت نے برطانیہ اور فرانس میں موجود صوبے کے نوادرات کو واپس لانے اور بلوچستان کی ثقافت کو دنیا کے سامنے لانے کیلئے پہلی ثقافتی پالیسی بنانے کی تیاریاں شروع کردی ہے۔
کوئٹہ: سینئرصحافیوں نے ماحولیاتی تبدیلیوں پرتشویش کااظہارکرتے ہوئے کہا ہے کہ موسمیاتی تبدیلیوں اور خشک سالی سے بلوچستان شدید متاثر زیرزمین پانی کی سطح پرخطرناک حدتک نیچے گررہی ہے۔حکومت کوئٹہ شہر میں پانی کی قلت کے تدارک شہریوں کوصاف پانی کی فراہمی اوراندرون صوبہ درختوں کی بے دریغ کٹائی کی روک تھام اور ماحول کو صاف ستھرا رکھنے کیلئے ہنگامی بنیادوں پر اقدامات اٹھائے۔
کوئٹہ: بلوچستان اسمبلی نے تاپی پائپ لائن منصوبے سے بلوچستان کی مختلف اضلاع کو گیس کی فراہمی، تیزاب گردی میں ملوث افراد کی گرفتاری اور کھلے عام تیزاب کی فروخت پر پابندی عائد کرنے،تھرمل پاو ر پر وجیکٹ کی حفاظت پر تعینات لیویز اہلکاروں کو مستقل کرنے سے متعلق قراردادیں منظور کرلیں گئیں صوبے میں امن وامان کے حوالے سے پیش کردہ تحریک التوا 12 اکتوبر کے اجلاس میں بحث کیلئے منظور کرلی گئی۔