کوئٹہ: کوئٹہ کے علاقے سرکی روڈ پر 27 مئی کو پولیس کے ہاتھوں مارے گئے دو دہشتگردوں کی شناخت ہوگئی۔ہلاک دہشتگردوں سے ملنے والا اسلحے کی فارنزک رپورٹ بھی آگئی ہے جس میں پتہ چلا ہے کہ یہ اسلحہ مسیحی برادری ، ہزارہ قبیلے کے افراد اور پولیس اہلکاروں سمیت 25 افراد کو قتل کرنے میں استعمال ہوا۔
کوئٹہ:قلعہ عبداللہ میں کوئٹہ چمن شاہراہ پر قبائلی رہنماء صادق عدوزئی کے قافلے پر مسلح افراد نے فائرنگ کردی جس کے نتیجے میں ایک راہ گیر جاں بحق ہوگیا۔ حملے میں صادق عدوزئی کا بھائی، لیویز اہلکار اور محافظوں سمیت پانچ افراد زخمی ہوگئے۔
کوئٹہ: وزیراعلیٰ بلوچستان جام کمال خان نے ابتدائی مرحلے میں گیارہ رکنی کابینہ تشکیل دے دی۔کابینہ میں بلوچستان عوامی پارٹی کے نو ، اتحادی جماعت تحریک انصاف اور عوامی نیشنل پارٹی کا ایک ایک رکن شامل ہے۔نومنتخب وزراء نے حلف اْٹھالیا۔
کوئٹہ: بلوچستان کے علاقے تربت میں دستی بم حملے میں تین ایف سی اہلکاروں سمیت پانچ افراد زخمی ہوگئے۔
کوئٹہ: ڈیلی بلوچستان ایکسپریس کا ٹوئٹر اکاونٹ کو بلاجواز معطل کردیا گیا ہے جس کی وجہ سے ادارے اور ریڈرز کو مشکلات کا سامنا کرنا پڑرہا ہے۔
کوئٹہ: وزیراعظم عمران خان نے اور تحریک انصاف کی قیادت نے امیر محمد خان جوگیزئی کو گورنر بلوچستان بنانے سے متعلق فیصلے پر یوٹرن لے لیا۔
کوئٹہ: جام آف لسبیلہ جام کمال خان عالیانی بلوچستان کے 17ویں وزیراعلیٰ کی حیثیت سے حلف اٹھالیا۔ نومنتخب وزیراعلیٰ کا کہنا ہے کہ ناراض بلوچوں کو قومی دھارے میں لانے اور لاپتہ افراد کے مسئلے کے حل کیلئے طریقہ کار بنایا جائیگا۔ملک اور صوبے کے مفاد میں ہرممکن اقدام اٹھائیں گے۔ صوبے میں اصلاحات کے ذریعے گورننس بہتر بناکر تبدیلی لائیں گے۔ تبدیلی کا عمل وزیراعلیٰ کے دفتر سے شروع کیا جائیگا۔
کوئٹہ: بلوچستان کے نومنتخب قائد ایوان میرجام کمال خان عالیانی نے کہا ہے کہ سی پیک کوئی بارش نہیں کہ جس کا موسم آئے گا اور ہوجائے گی ہمیں اس کے لئے تیاری کرنے کی ضرورت ہے۔صوبے کی ایوان نے بلوچستان کی ترقی کو ایک نئی سمت دینی ہے ۔
کوئٹہ: بلوچستان اسمبلی کے اراکین نے میر جام کمال کو وزیراعلیٰ بلوچستان منتخب ہونے پر مبارکباد دیتے ہوئے اس امید کا اظہار کیا ہے کہ وہ صوبے کے دیرینہ مسائل کے حل کے لئے اتحادی جماعتوں اور تمام اراکین کے تعاون سے عملی اقدامات اٹھائیں گے ۔
کوئٹہ: جام کمال خان بلوچستان کے 17ویں منتخب وزیراعلیٰ ہیں۔ بلوچستان کی تین شخصیات نہ صرف خود وزرا اعلیٰ کے منصب پر فائز رہیں بلکہ ان کے صاحبزادوں نے بھی مختلف ادوار میں صوبے کی بھاگ دوڑ سنبھالی۔ جام غلام قادر ، نواب ذوالفقار علی مگسی اور ظفر اللہ جمالی دو دو دفعہ بلوچستان کے منتخب وزیراعلیٰ اور نگراں وزیراعلیٰ رہ چکے ہیں۔ جام خاندان کی تیسری نسل کو وزیراعلیٰ بننے کا اعزاز حاصل ہوا ہے۔