کوئٹہ: سانحہ مستونگ کا ایک اور زخمی دم توڑ گیا۔ شہداء کی تعداد 150 ہوگئی۔ غلام رسول ولد شیر محمد13 جولائی کو کوئٹہ سے متصل ضلع مستونگ کے علاقے درینگڑھ میں بلوچستان عوامی پارٹی کے رہنماء نوابزادہ سراج رئیسانی کے انتخابی جلسے میں خودکش بم دھماکے کے نتیجے میں زخمی ہوئے تھے۔
کوئٹہ: عوامی نیشنل پارٹی اور بلوچستان نیشنل پارٹی میں حلقہ این اے264کوئٹہ ون اور صوبائی اسمبلی کے حلقہ پی بی 24کوئٹہ ون پر سیٹ ایڈجسٹمنٹ ہوگئی ہے ،عوامی نیشنل پارٹی کے کارکن قومی اسمبلی کے حلقہ این اے 264کوئٹہ ون پر بلوچستان نیشنل پارٹی کے نامزد امیدوار ملک عبدالولی کاکڑ جبکہ بلوچستان نیشنل پارٹی کے کارکن حلقہ پی بی 24کوئٹہ ون پر عوامی نیشنل پارٹی کے نامزد امیدوار ملک نعیم بازئی کو ووٹ دیں گے ۔
کوئٹہ: بلوچستان نیشنل پارٹی کے سربراہ سردار اختر مینگل نے سانحہ مستونگ کے سوگ میں پارٹی کے تمام انتخابی جلسے منسوخ کرنے کا اعلان کرتے ہوئے کہا ہے کہ اس مد میں بچ جانے والی رقم سانحہ مستونگ کے متاثرین کو دی جائے گی۔
کوئٹہ: بلوچستان عوامی پارٹی نے 25 جولائی 2018ء کے انتخابات کیلئے منشور کا اعلان کردیا۔ گڈ گورننس،صحت اور مالی نظم وضبط کا قیام پہلی تین ترجیحات ہیں۔ بی اے پی کے مرکزی صدر جام کمال خان کا کہنا ہے طرز حکمرانی اور معاشی ترقی کے اہداف کے حصول کیلئے شفاف اور بلاامتیاز احتساب کا طریقہ کا ر اپنا یا جائے گا۔
کوئٹہ: بلوچستان کے ضلع پنجگور میں اجتماعی قبر سے چار افراد کی ڈھانچہ نما لاشیں ملی ہیں۔ لیویز کا کہنا ہے کہ لاشیں ناقابل شناخت ہیں۔ لیویز کے مطابق لاشیں منگل کو پنجگور سے تقریباً ساٹھ کلومیٹر دور تحصیل پروم کے پہاڑی علاقے درغ دپ سے ملی ہیں۔
کوئٹہ : کوئٹہ کے پولیس ٹریننگ سینٹر پر حملے کی افواہ پر زیر تربیت پولیس اہلکار وں میں بھگدڑ مچ گئی اور انہوں نے ہاسٹل کی عمارت سے چھلانگیں ماردیں۔ بلندی سے کودنے کی وجہ سے 20سے زائد اہلکار زخمی ہوگئے۔
کوئٹہ: قومی احتساب بیورو (نیب) نے160 بلوچستان نیشنل پارٹی کے رہنماء سابق سینیٹر نوابزادہ لشکری رئیسانی کو طلب کیا جس پر وہ نیب کے سامنے پیش ہوئے اور اپنا بیان قلمبند کرایا۔
کوئٹہ: پاکستان پیپلز پارٹی کے چیئرمین بلاول بھٹو زرداری کا کہنا ہے کہ خوف اور دہشتگردی کے ماحول میں انتخابات ہورہے ہیں،سیاسی جماعتوں انتخابی مہم کیلئے مساوی مواقع نہیں مل رہے ،2018ء میں ایک نئی آئی جے آئی بنائی جارہی ہے۔عراق اور افغانستان میں انتخابات ہوسکتے ہیں تو پاکستان میں کیوں نہیں، پاکستان کے عوام دہشت گردوں کو 25جولائی کو ووٹ کی طاقت سے شکست دیں گے۔
کوئٹہ: بلوچستان عوامی پارٹی کے امیدوارحاجی محمد خان عرف طوراتمانخیل کو بلوچستان ہائی کورٹ سے ضمانت خارج ہونے پر گرفتار کرلیا گیا۔
کوئٹہ: بلوچستان کے ضلع قلعہ عبداللہ میں عوامی نیشنل پارٹی کے رہنماء سابق سینیٹر داؤد خان اچکزئی ایک قاتلانہ حملے میں زخمی ہوگئے تاہم ان کی حالت خطر ے سے باہر ہے۔