Posts By: اسٹاف رپورٹر

کوئٹہ:  بلوچستان پیس فورم کے چیئر مین نوابزادہ حاجی میر لشکری خان رئیسانی نے کتاب دوستی کی ضرورت پر زور دیتے ہوئے کہا ہے کہ بلوچستان میں معاشی و قومی بحران کے حل کے لئے علمی بنیادوں پر سیاسی اصولوں کا تعین کیا جائے ، نوجوان نسل علم و ادب سے اپنی وابستگی کوبرقرار رکھتے ہوئے کتاب دوست تحریک کا حصہ بنے۔ ان خیالات کااظہار انہوںنے گزشتہ روز سراوان ہائوس کوئٹہ میں کتاب دوست تحریک کے سلسلے میں منعقدہ تقریب سے خطاب کرتے ہوئے کیا۔ اس موقع پر محمد افضل رئیسانی نے بلوچستان پیس فورم کے سربراہ کو نادر ونایاب کتابوں کا عطیہ دیا۔

کوئٹہ: صوبائی وزیر داخلہ میر ضیا لانگو نے کہا ہے کہ شہید صحافی عبدالواحد رئیسانی کے قتل میں ملوث دو ملزمان کو گرفتار کرلیا گیا ہے ملزمان کے گھر سے اسلحہ بھی برآمد کرلیا گیا ہے واقعہ کی مزید تفتیش کی جارہی ہے، فیضان جتک واقعہ میں ملوث اہلکاروں کو گرفتار کرلیاگیا ہے۔موسیٰ خیل کے مختلف علاقوں ڑالہ باری سے وہاں کھڑی فصلوں کو ہونے والے نقصانات کا تخمینہ نہیں لگایاگیا جیسے ہی ڈپٹی کمشنر آگاہ کرینگے وہاں متاثرین کی امداد کی جائیگی۔ ان خیالات کا اطہار انہوںنے جمعہ کو بلوچستان اسمبلی کے اجلاس میں ارکان کے توجہ دلاو نوٹسزکا جواب دیتے ہوئے کیا۔

کوئٹہ: نوابزادہ میر رئیس رئیسانی کی زیر صدارت مختلف تنازعات کے حل کیلئے سراوان ہائوس کوئٹہ میں جرگہ منعقد ہوا۔ جرگہ ممبران نے فریقین کے بیانات سننے اور انہیں قلمبند کیا ،گزشتہ روز سراوان ہائوس کوئٹہ میں نوبزادہ میر رئیس رئیسانی کی زیر صدارت قبائلی معتبرین کا جرگہ منعقد ہوا جرگے میںسردار زادہ میر جاوید لہڑی بھی موجود تھے ۔

کوئٹہ:  بلوچستان اسمبلی کے اجلاس میں صحافی عبدالواحد رئیسانی کے قاتلوں کی گرفتاری اور حکومت کی جانب سے اب تک اٹھائے جانے والے اقدامات سے متعلق توجہ دلاؤنوٹس آج پیش کی جائیگی۔

کوئٹہ: بلوچستان اسمبلی میں اپوزیشن کے شور شرابے اور واک آئوٹ کے دوران پاک عمان ہسپتال پسنی اور بلوچستان پبلک فنانس مینجمنٹ کے مسودات قانون منظور کرلئے گئے جبکہ چمن بم دھماکے سے متعلق تحریک التوا بحث کے لئے منظور کی لی گئی ۔بلوچستان اسمبلی کا اجلاس منگل کو سوا دو گھنٹے کی تاخیر سے ڈپٹی اسپیکر سردار بابر خان موسیٰ خیل کی صدارت میں ہوا۔اجلاس میں بی این پی کے پارلیمانی لیڈر ملک نصیر شاہوانی نے پوائنٹ آف آرڈر پر ایوان کی توجہ صوبے کے مختلف علاقوں میں بجلی کی طویل لوڈشیڈنگ کی جانب مبذول کراتے ہوئے کہا کہ بلوچستان کے زمینداروں کو بہت کم بجلی فراہم کی جارہی ہے اس کے باوجود زمیداروں کی بجلی بار بار منقطع کی جاتی ہے۔

کوئٹہ: کوئٹہ کے فاطمہ جناح چیسٹ ہسپتال میں کورونا ویکسی نیشن کا عمل جاری، ہسپتال میں ساڑھے تین ہزار سے زیادہ لوگوں کو اب تک ویکسین لگائی جاچکی ہے تفصیلات کے مطابق صوبے کے مختلف ہسپتالوں میں کورونا سے بچاؤ کے لئے ویکسی نیشن کا عمل جاری ہے صوبائی دارلحکومت کوئٹہ کورونا ویکسی نیشن کے لئے فاطمہ جناح چیسٹ ہسپتال میں بغیر کسی تعطیل کے چوبیس گھنٹے لوگوں کو ویکسینیشن کی جارہی ہے۔

کوئٹہ:  بلوچستان اسمبلی کے اپوزیشن ارکان نے کہا ہے کہ حکومت بجٹ سے قبل پری بجٹ اجلاس نہ کرکے قانون شکنی کی مرتکب ہورہی ہے صوبے میں لوٹ مار کا بازار گرم ہے ہر حلقے میں غیر منتخب افراد کے ذریعے ترقیاتی کام کروائے جارہے ہیں جو عوام کے مسائل حل کرنے کی بجائے اپنی جیبیں بھرنے میں مصروف ہیں، صوبے کے تمام حلقوں کو یکساں ترقی اور منتخب ارکان کی سفارشات کو بجٹ ساز ی کے عمل میں شامل کیا جائے جبکہ حکومت کا کہنا ہے کہ صوبے بھر میں یکساں ترقیاتی کام کروائے جارہے ہیں، اپوزیشن کا اپوزیشن میں آنا خدا کا فیصلہ ہے جسے تسلیم کیا جائے۔

کوئٹہ: بلوچستان اسمبلی میں فلسطین پر اسرائیلی جارحیت کے خلاف ایوان نے مشترکہ قرار داد منظور کرلی گئی ، ارکان اسمبلی نے کہا ہے کہ نہتے مسلمانوں پر عالمی دنیا کی خاموشی باعث شرم ہے ،اگر فلسطین کی جگہ کوئی اور ملک ہوتا تو اسرائیل کی اینٹ سے اینٹ بجا دی جاتی مسلم امہ کو اتحاد اور پاکستان کو امت مسلمہ کا رہنماء بننے کی ضرورت ہے ۔

کوئٹہ: نیب بلوچستان نے صوبہ بلوچستان کے ساحلی شہر گوادر میں کروڑوں روپے کرپشن کے تین الگ کیسز کی تحقیقات مکمل کرکے ریونیو افسران سمیت 38 افراد کے خلاف ریفرنسز احتساب عدالت میں دائر کر دیئے ہیں۔ ملزمان نے جعلسازی سے سرکاری اراضی کے ریونیوریکارڈ میں ردو بدل کر کے کروڑوں روپے کی اراضی مارکیٹ میں فروخت کر دی جس سے قومی خزانے کو ناقابل تلافی نقصان پہنچا۔

کوئٹہ:  صحافتی تنظیموں کے رہنماؤں نے فلسطین میں اسرائیلی جارحیت اورغزہ سٹی میں میڈیا دفاتر پر اسرائیلی حملوں اور عالمی ادروں کی خاموشی کی شدید مذمت کرتے ہوئے کہا ہے کہ اگر اسرائیل کو فوری طور پر جارحیت سے نہ روکا گیا تو نہ صرف مشرق وسطیٰ کا امن تباہ بلکہ خطے میں بڑا انسانی بحران جنم لے سکتاہے،عالمی برادری فوری طور پر اپنا کردار ادا کرئے، شہید صحافی عبدالواحد رئیسانی سمیت دیگر قتل ہونے والے تمام شہید صحافیوں کے قاتلوں کو کیفرکردار تک پہنچا جائے اور حقائق منظر عام پر لانے کیلئے بلوچستان ہائی کورٹ کے جج پر مشتمل عدالتی کمیشن بنایا جائے۔