کوئٹہ: کوئٹہ پریس کلب(رجسٹرڈ) کے صدر رضا الرحمٰن، جنرل سیکرٹری ظفر بلوچ اور دیگر عہدیداروں نے کمانڈر سدرن کمانڈ لیفٹیننٹ جنرل وسیم اشرف کی جانب سے کوئٹہ کے میڈیا ورکرز اور اخبار فروشوں کے 550 خاندانوں کیلئے راشن کی فراہمی پر ان کا تہہ دل سے شکریہ ادا کرتے ہوئے کہا ہے کہ مصیبت کی اس گھڑی میں انہوں نے اخباری صنعت سے وابستہ افراد کی جس طرح سے حوصلہ افزائی کی وہ قابل تحسین عمل ہے۔
کوئٹہ: سول ہسپتال کوئٹہ شعبہ حادثات کے سنئیر ڈسپنسر حاجی منور خان کورونا وائرس کے مرض کے باعث انتقال کر گئے۔
کوئٹہ : مقامی صحافی سید علی شاہ کے بیٹے سید محمد یاسین میں کورونا وائرس کی تشخیص ہوئی ہے۔
کوئٹہ: بلوچستان کے علاقے کیچ سے تعلق رکھنے والے صحافی ساجد بلوچ کی لاش اوپسالہ کے دریا سے مل گئی، تفصیلات کے مطابق 2 مارچ 2020 سے سوئیڈن کے شہر سے لاپتہ ہونے والے بلوچ صحافی ساجد بلوچ کی لاش برآمد، سوئیڈش حکام نے اہلخانہ کو بتایا کہ انہیں اوپسالہ کے دریا سے ساجد بلوچ کی لاش ملی ہے۔
کوئٹہ: بلوچستان میں 6مزید ڈاکٹرز میں کورونا وائرس کی تصدیق ہوئی ہے۔ محکمہ صحت کے ذرائع کے مطابق گزشتہ روز بلوچستان کے 6نئے ڈاکٹرز میں کورونا وائرس کی تصدیق ہوئی ہے۔
کوئٹہ: ترجمان حکومت بلوچستان لیاقت شاہوانی نے کہا ہے کہ کورونا وائرس کی روک تھام کیلئے عالمی گائیڈ لائنز پر عملدرآمد کیا جارہا ہے، وفاق کی جانب سے اسمارٹ لاک ڈاؤن متعارف کرایا جارہاہے، عوام ایس او پیز پر عمل نہیں کریں گے تو مزید سخت فیصلے کرنے پڑیں گے، اگر مکمل لاک ڈاؤن کی طرف گئے تو اس کا مطلب کرفیو ہوگا۔
کوئٹہ: لاک ڈاؤن کے باعث کاروبار ٹھپ، آئن لائن کاروبار کرنے والوں کی قسمت جاگ گئی، آن لائن کاروبار میں خواتین بازی لے گئی۔ تفصیلات کے مطابق کو ئٹہ سمیت بلوچستان میں کورونا وائرس کی وباء سے کاروبار ٹھپ ہوکر رہ گیا ہے، دکانیں اور دیگر کاروباری مراکز بند ہیں اس صورت حال میں آن لائن کاروبار شروع کرنے والوں کی قسمت جاگ گئی۔
کوئٹہ: محکمہ پی ڈی ایم اے نے اپنا ہینڈسیناٹائزر متعارف کروادیا،ڈائریکٹر پی ڈی ایم اے فیصل نسیم کے مطابق پی ڈی ایم اے ہینڈسیناٹائزر محکمہ دفاتر،ہسپتالوں اور پبلک مقامات پر مفت تقسیم کرے گا۔
کوئٹہ: اقوام متحدہ کے ادارہ برائے مہاجرین کی جانب سے چلڈ رن ہسپتال کوئٹہ کو 70لاکھ روپے مالیت کی جدید بائیو کیمیکل ٹیسٹ مشین فراہم کردی گئی،مشین کی فراہمی سے ہسپتال میں کئی مہنگے ٹیسٹ مفت کئے جا سکیں گے، یو این ایچ سی آر کوئٹہ کے سربراہ زیفنایہ امیوری کے مطابق اقوام متحدہ کے ادارہ برائے مہاجرین کی جانب سے صوبائی حکومت صحت کی سہولیات کی فراہمی کی بہتری میں معاونت جاری ہے۔
کوئٹہ: محکمہ صحت بلوچستان کی رپورٹ کے مطابق بلوچستان میں کورونا و ائرس کے53 نئے کیسز رپورٹ ہوئے ہیں مجموعی طور پر کورونا وائرس کے مریضوں کی تعداد 1031 ہوگئی ہے،