کوئٹہ: بلوچستان کے وزیراعلیٰ جام کمال خان نے کہا ہے کہ بلوچستان پاکستان کامستقبل ہے اس صوبے کو مزیدنظراندازنہیں کیاجاسکتا،صوبے کے صحافیوں کی فلاح وبہبوداوران کے مالی مشکلات حل کرنے کیلئے بھرپوراقدامات اٹھائے جائیں گے،سانحہ 8اگست میں شہیدہونے والے2صحافیوں کے اہل خانہ کوروزگار کی فراہمی یقینی بنائی جائے گی،جرنلسٹس ہاؤسنگ اسکیم کی انفراسٹرکچراورڈیویلپمنٹ کے کام حکومت بلوچستان سرانجام دے گی۔
کوئٹہ: نصیر آباد کی تحصیل بابا کوٹ کے رہائشی ڈاکٹر شاہ نواز سیال، میرغوث بخش عمرانی و دیگر نے کہا ہے کہ تحصیل بابا کوٹ میں صدیوں سے آبادلوگوں کو ان کی اراضی سے بے دخل کرنے کی کوششیں کی جارہی ہیں حکام بالا صورتحال کا فوری نوٹس لیں۔ ان خیالات کا اظہار انہوں نے منگل کو محبت فقیر عمرانی، برکت علی سیال،میر ذوالفقار عمرانی، حاجی محمد حیات لہڑی و دیگر کے ہمراہ کوئٹہ پریس کلب میں مشترکہ پریس کانفرنس کرتے ہوئے کیا۔
کوئٹہ: ینگ ڈاکٹرز ایسوسی ایشن بلوچستان نے 500ڈاکٹرز کی فوری مستقلی اور ڈاکٹرز کے سروس اسٹرکچرز کو وضح کرکے بولان یونیورسٹی آف میڈیکل اینڈ ہیلتھ سائنسز میں سلف فنانس پر رکھی گئی سیٹیں مفت صوبے کی طلباء وطالبات کومیرٹ پر دینے اور ٹریژری ہسپتالوں میں ہاؤس آفیسر اور پوسٹ گریجویٹ ریذیڈنٹس کے ماہانہ وظائف کو پنجاب اور خبیرپشتونخوا کے مساوی کرنے کے مطالبات پر عملدرآمد اور عدالت عظمیٰ کے فیصلے کے خلاف ڈی جی ہیلتھ سروسز کے ڈائریکٹر فنانس کی جانب سے ڈاکٹرز کی تنخواہوں میں کٹوتی اور ان کی غیر قانونی تعیناتی کی تحقیقات کیلئے کمیٹی تشکیل دیکر انہیں برطرف کرنے کابھی مطالبہ کیاہے۔
کوئٹہ : وزیراعلیٰ بلوچستان جام کمال خان نے کہا ہے کہ بلوچستان اسمبلی کا تقدس اس وقت بحال ہوگا جب اسے اہمیت دی جائے گی اسمبلی کے فلور پر وہ اعداد و شمار پیش کئے جاتے ہیں جو حقیقت کے قریب سے بھی نہیں گزرتے ماضی میں اپوزیشن کے حلقوں میں کیا ہوتا رہا ہے آج ایسی صورتحال نہیں ہے، اپوزیشن خود مان رہی ہے کہ ستر فیصد منصوبوں پر کام جاری ہے، صرف تقاریر حقائق نہیں ہوتے بلوچستان کے لوگ اعداد و شمار سے واقف ہیں انہیں جذباتی تقاریر سے ورغلایا نہیں جاسکتا، بجٹ قریب آتے ہی بلوچستان میں بہت سی چیزیں دیکھنے کو مل رہی ہیں۔
کوئٹہ: کرونا وائرس کے خطرے کے باعث بلوچستان میں دوسرے روز پاک ایران بارڈر بند رہا جبکہ اسکریننگ کا عمل جاری ہے۔ جبکہ بلوچستان کے کک باکسنگ کے10 کھلاڑی آزربائیجان میں محصور ہوکر رہ گئے، کرونا وائرس کے ممکنہ خطرے کے پیش نظر صوبائی حکومت کے مطابق اقدامات جاری ہیں، تفتان اور گوادر سمیت 5 مقامات پر پاکستان اور ایران کے درمیان آمدورفت معطل ہے۔
کوئٹہ: بلوچستان میں وائرس کے پیش نظر موثر اقدامات کی حکومتی یقین دہانی پر تحریک التواء نمٹادی گئی، بلوچستان اسمبلی نے چین اور ایران میں کرونا وائرس سے ہونے والی ہلاکتوں پر چینی و ایرانی حکومتوں اور عوام سے اظہار ہمدردی، مکمل یکجہتی اور تعاون سے متعلق قرار داد منطور کرلی۔
کوئٹہ: آل پاکستان کلرکس ایسوسی ایشن اورڈاکٹروں نے ملازمین، ڈاکٹروں اور طلباء کی گرفتاری کے خلاف 3روزہ قلم چھوڑ ہڑتال اور سرکاری ہسپتالوں کی او پی ڈیز کے بائیکاٹ کا اعلان کرتے ہوئے مطالبہ کیا ہے کہ ایس ایچ او بجلی روڈ تھانہ کے خلا ف فوری کارروائی اور گرفتار ملازمین اور طلباء کورہاکیا جائے بصورت دیگرمزید سخت احتجاج پر مجبور ہونگے۔
کوئٹہ: بلوچستان اسمبلی میں جمعیت علماء اسلام کے اراکان نے ضلع پشین میں ہونے والے لیویز کی بھرتیوں پر احتجاج کرتے ہوئے محکمہ کے انتظامی افسران پر سنگین الزامات ایوان میں مسلسل دہراتے رہے،اس دوران صوبائی وزراء اور اپوزیشن اراکان ڈپٹی سپیکر کی بار بار تاکید کے باوجود بھی بیک وقت بولتے رہے ارکان اسمبلی کے مابین تند وتیز جملوں کا تبادلہ ہوا جس کے باعث اجلاس پندر ہ منٹ کے لئے ملتوی کرنا پڑا جمعیت کے رکن اسمبلی اصغر علی ترین نے ایوان سے احتجاجاً واک آؤٹ بھی کیا۔
کوئٹہ: ایران میں کورونا وائرس کے کیسز سامنے آنے کے بعد بلوچستان سے منسلک سرحدی علاقوں میں خوف پھیل گیا۔
کوئٹہ: ڈپٹی اسپیکر قومی اسمبلی قاسم خان سوری نے کہا کہ پاکستان افغانستان میں قیام امن کے لئے کردار ادا کررہا ہے۔ افغان حکومت اور طالبان کے درمیان مذاکرات اور امن معاہدہ قابل ستائش ہے امید ہے کہ اس معاہدے سے افغانستان میں امن آئے گا۔ افغانستان میں امن کے قیام سے پاکستان میں بھی امن قائم ہوگا۔ دونوں برادر اسلامی ممالک ہے ہماری خواہش اور کوشش ہے کہ دونوں ممالک کے عوام خوش اور پرامن ہو۔