Posts By: شونگال

مدتے بیت کہ بولان میڈیکل کالج ءِ چکاس ءَ این ٹی ایس گرگان انت بلئے اے سال ءَ ہمے چکاس ءِ ڈبہ ایچ ای سی ءِ کوپگاں کنگ بوتگ ۔بلئے زانگ انت کہ ایچ ای سی ہم سرکاری یک ادارگے ءُُ سرکاری اے دگہ درائیں اداگانی حساب ءَ اے ہم ناشری ءُُ نا رہبندیانی آماچ انت ۔پمشکا اے چکاس ءَ ہم انچیں کار ءُُ کرد دیم ءَ اتکگ کہ نودربراں وتی زار شانی درشانتگ ءُُ ایچ ای سی ءِ رزلٹ نہ منینتگ ۔

تمپ ڈسٹرکٹ کہ نامینگ بوتگ اے ضلع کیچ ءِ دو مزنیں تحصیل ،تحصیل دشت ءُُ تحصیل تمپ ءَ ہوار کنگ ءُُ جوڑ کنگ بوتگ ۔راستیں گپ ایش انت کہ کیچ ءِ اے دوئیں تحصیل یک یک ءَ گوریچانی بلوچستان ءِ دوضلعانی کچ ءُُ کیاس ءَ بنت پمشکہ بائدیں اے دوئیں تحصیل جتا جتا ڈسٹرکٹ کنگ بوتین انت بلئے شاہو کہ شاہو یے بوت انت ماہو پساں نہ بوت۔اے ہم اللہ شگر انت ءُُ واجکارانی منت کہ اےء دوئیں تحصیلاں یکجاہ کنگ بوتگ ڈسٹرکٹ جوڑ کنگ بوتگ ۔ 

گوستگیں بازیں روچاں ماگوں وتی اوتاگانی (کالم) کمک ءَ حکومت ءَ را لس مہلوک ءِ جیڑہاں گوں دلگوش گور کنائینگ ءَ اَنت ۔اے مئے راجی ذمہ واری اِنت کہ ما مدام چاگردی جیڑہاں چہ حکومتی سروکاں سرپدی بدئینت ۔ مروچی ہما جیڑہ کہ لہتیں روچ اِنت گندگ ءَ پیداک اِنت ءُُ ما وتی ہمے اوتاگاں ایشی ءِ بابت ءَ تران کنان اَنت آ اِنت ورد ءُُ وردنی ساماناں ملاوٹ ءُُ دونمبریں چیزانی بہر ءُُ بانگ کنگ اِنت ۔

رسانک در ءِ در ءَ سوشل میڈیا اے وہد ءَ مزنیں زورءُُ واکے ءِ واہند انت ۔علم ءُُ زانت ءِ در بہ بنت یا چاگردی جیڑہ، سوشل میڈیا ءِ مزنیں کرد ءُُ ارزشتے بلئے سوشل میڈیا ءَ بلوچستان ءَ آ کرد پیش داشت نہ کتگ کہ آئی ءَ کنگی بوتگ گوستگیں سے سالاں اگاں سوشل میڈیا گروپس چارگ بہ بنت گڑازانگ بیت کہ گیشتریں گروپساں بلوچستان ءِ جیڑہانی بدل ءَ گیشتر ہما جیڑہ بنگپ ءُُ سرحال کتگ انت کہ آہانی سیادی گوں بلوچ ءُُ بلوچستان ءَ نہ بوتگ انت ۔

اے گپ پیش ءَ گشگ بوتگ کہ وزیر اعلیٰ ءِ منسب کسانیں منسبے نہ انت ۔اے منسب ءِ واک ءُُ وس باز انت بلئے کسے ءِ دل بکش ات بلوچستان ءِ نوکیں وزیراعلیٰ قدوس بزنجو وتی سیاسی کرت ءُُ کاراں چشیں کلانہیں راجکارے نہ انت ءُُ بقول مئے دانشوراں پراسس ءَ چہ ہم اتکگ مردمے نہ انت بلئے ایشی ءَ ابید ہم بزنجو ءَ لہتیں انچیں ترندیں گامگیج زرتگ کہ مہلوک ابکہ ءُُ حیران انت ۔

اے وہد ءَ بلوچستان ءَ سیکریٹری ایجوکیشن نورالحق انت کہ سرپدی ئیں ءُُ دوچاریں مردمے ،نورالحق ءَ چد ءُُ پیسر ہم اے اگدہ ءِ سراکار کتگ ۔

اے پُرّیں دہ (۱۰) سال انت کہ مکران ءَ ہوراں ترمپے نہ گورتگ ۔مکران ءِ بابت ءَ پیش ءَ عالمی ادارگاں اے پیش گشی کتگ کہ اے دمگاں مزن سندیں ڈکال کیت کہ اے دمگ ءِ مردماں پہ لڈ ءُُ بار ءَ مجبور کنت بلئے اے پیش گشی انچو زوت ءِ نہ بوتگ انت اے وہدءَ اگاں مکران ءِ موسمی جاور چارگ بہ بنت گڈا گمان بیت کہ اگاں اے دمگ ءَ موسماں8 وت ءَ انچو داشت گڈا آوکیں دہ سالاں مکران ءُُ اے دمگ ءَ مردم نگواہ ایت۔

ساچینک ءِ گوستگیں دوشونگالاں بلوچستان ءَ گچینی کوئٹہ ءَ کتاب جاہانی نگیگیں جاورانی بابت ءَ نبشتہ کنگ بوتگ ءُُ چدو پیسر بلوچستان ءِ وانندگیں مردمانی یک ڈلے ءَ گوں دود ءُُ ربیدگ ءِ سیکریٹری ءَ گندونند ءُُ کرتگ ات ءُُ آئی ءَ را بلوچستان ءَ ہوار کوئٹہ شہر ءَ کتاب جاہانی جاور حالانی بابت ءَ سہی ءُُ سرپد کتگ ات ۔

بلوچستان ءِ حکومت وتی وتی سیاسی جیڑگاں گوں انچو مشگل اَنت کہ آہاں ہچی سما نیست انت کہ وانگ ءِ کچ ءُُ کیل چنچو دیم ءَ شتگ۔یک وہدے انچیں بوتگ کہ پہ کزا یکے ءَ ماسٹرز کتگ ءُُ وتی سرجمیں ہلک ءَ یکیں ماسٹرز کنوکیں مردم ہما بوتگ بلئے نوں دود بدل بوتگ۔

اے وڑیں حال ہمروچ حالتاکاں شنگ بنت کہ کار ءُُ روزگار ءَ مردماں دارگ ءِ وہد ءَ ناروائی کنگ بوتگ ۔روزگار ءِ دروسیلہانی سرا وزیر ءُُ مزن مزنیں آفسر نشتگ انت کہ آ نزور ءُُ ناتوانیں مردماں داں جوانیں روزگاراں سر بوہگ ءَ نیل انت اے کارانی تہا ہندی سردار ءُُ نواب ءُُ میر ءُُ متبرانی ہم مزنیں دستے ہوار کہ آہانی سیادی گوں ہمے راجکاری گلاں انت کہ ہمے وزیر ءُُ گزیر ءُُ واکدار آفیسرانی دست ءَ انت ۔