Posts By: شونگال

رخشان ڈویژن ءِ بل 2015 ءَ غلام دستگیر ءَ مجیب الرحمان ءِ نیمگ ءَ بلوچستان اسمبلی ءَ دیم ءَ آؤرتگ ات۔ اے بل بلوچ مہلوک ءِ دیریگیں واہگے بوتگ پرچکہ بلوچستان ءِ ڈگار سک پراہ ءُُ شاہگان انت کہ ایشی ءِ بندوبوجی سبنالگ سک گران ءُُ نگیگ انت ۔

امریکہ کماش ڈونلڈ ٹرمپ ءَ 8 مئی وتی یک کماشی میمورینڈمے ءَ گوں ایران ءَ وتی کتگیں منگ نامہ یے ءَ درکپگ ءِ جار پرینت ۔ امریکہ ءِ اے منگ نامہ پیسریگیں کماش بارک اوباما ءِ وہد ءَ گوں ایران ءَ کنگ بوتگ ات کہ آئی ءِ تہا یورپی ملکاں ہوار چین ءُُ روس ہم ہوار بوتگ ات انت ۔

آدینگ ءِ روچ ءَ بلوچستان ءِ سر وزیر میر عبدالقدوس بزنجو ءَ گشتگ ات کہ بلوچستان ءَ سنی ءُُ شعیہ فرقہ ءِ ہچ وڑیں تپاوت ءُُ دگری یے نیست ۔

بلوچستان ءَ ہنچیں ڈویژن است کہ آہانی دراجی ءُُ پہنات چہ صوبہ کے پی ءَ چہ مستر انت ءُُ اے ہم یک پدرائیں گپے کہ بلوچستان ءِ پٹھان درائیں ضلعاں یکجاہ بکنئے گڑا ایوک ءَ ضلع ءِ خاران ءِ برابر نہ بنت بلئے اے درچ ءَ یک لسانی گروہے ءِ وش ءُُ رازی کنگ ءِ حاترا بلوچستان ءِ گوریچانی دمگانی یوسی کدیں ہنداں ضلع جوڑ کنگ بوتگ کہ اے بلوچستان ءَ جاہ منندیں مردمانی سرا یک ناروائی یے ءُُ بلوچستان ءِ بجٹ ءِ سرا بارے ۔

بلوچی لبزانک ءَ بازیں چیزے نبشتہ بوہگ ءَ انت ءُُ بازیں کتابے چاپ بوتگ بلئے اے کتابانی چار ءُُ تپاس ءِ جوانی گامگیج گندگ نہ بیت ۔ ہمے بازیں کتابانی چاپی ءَ مئے ندکارانی کچ ءُُ کساس وَ گیش کتگ بلئے جوانیں ساچست انگت ءَ دیم ءَ پیداک نہ انت کہ ما آئی ءَ گوں میان استمانی لبزانک ءَ دیم پہ دیم کت بہ کناں نوں جست اے دیم ءَ کیت کہ آ کجام سوب اَنت کہ مئے نبشتگیں مواد ءُُ کتاب میان استمانی کچ ءُُ کیل ءَ پرچہ سر نہ بنت۔

بلوچستان ٹیکسٹ بورڈ ءِ کار ءَ بلوچستان ءَ پرائمری ءَ بگر داں انٹر میڈیئیٹ ءِ ہیلانکی کتابانی جوڑ کنگ ءُُ چاپ کنگ انت ۔اے درگت ءَ بورڈ ءَ سالے یک ارب ءَ گیش کلدار ءِ بجٹ دئیگ بیت کہ آ پہ وہد ءُُ موسم اولی تبک ءَ بگرداں انٹر میڈیئیٹ ءَ کتاباں سرجم بکنت ءُُ شنگ بکنت بلئے حال ایش انت کہ اے وہد ءَ بلوچستان ءِ سردیں دمگانی اسکولاں ماہے ءُُ نیم بیت کہ پچ بوتگ انت بلئے انگلش میڈیم اسکولانی گیشتریں تبکانی کتاب نیادی ءَ دست نہ کپ انت ۔

بلوچستان ءَ وَ چشیں حاسیں فنڈایبلیں اکیڈمی یے نیست انت کہ آ وتی درائیں واہگانی پیلوئی ءَ کت بہ کنت ہمااکیڈمیاں کہ سرکارءِ نیمگ ءَ دست مُشتیں گرانٹے رسگان انت گوں آئیءَ واہگانی پیلوئی دوریں گپے وتی بنکی کار اوں سرجم نہ بنت۔

حکومت ءِ نیمگ مردم شماری ءَ ضلع ءِ کیچ بلوچستان ءِ سر شہر کوئٹہ ءَ پد بلوچستان ءِ مستریں شہر زانگ بیت ۔بلوچستان ءِ اے ضلع آبادی جہ منندی ءَ ابید زمینی کچ ءُُ کیاس ءَ ہم سک مزن انت ۔

اے وہد ءَ برکت اسماعیل مئے چاگرد ءَ ایوک ءَ یک بنی آدمے ءِ نام نہ انت بلکیں یک پگر ءُُ لیکہ یے نام انت ءُُ اے پگر ءُُ لیکہ چاگرد ءَ وانگ ءُُ زانگ ءِ دیمروئی انت اگاں برکت اسماعیل ءِ ما پیشگیں زند ءَ بچاریں گڈا آ یک یکشلیں جہدے ءِ عکس انت ،کہ آئی ءَ مکران وڑیں پدمنتگیں جاہے ءَ بنا کت ءُُ آسرے ءَ سرکت ۔

کلچر ڈے ءِ دارگ یک جوانیں گپے بلئے ،کارءِ یک مول ءُُ مرادے بیت اگاں کارے چہ آئی ءِ مول ءُُ مراد، پشدر ءُُ پیش در ءَ درکنگ ءُُ چارگ بہ بیت گڈا آئی ءِ مول ءُُ مراد ساہ دنت ءُُ ہلاس بیت ۔