روزنامہ آزادی | وقتِ اشاعت :
بلوچی لبزانک ءِ پشتی دور ءُُ باریگ ءِ گپاں بل کہ آئی ءِ دپتر ی تاریخ بوت کنت ہزاراں بہ بیت بلئے ہمے کہ استیں مواداں کہ دسترس ءَ است اَنت یاکہ کتابی دروشم ءَ چھاپ ءُُ شنگ بوتگ اَنت آوانی گمان اگاں باز ناں داں سد سال بجن۔۔۔بلئے سد سال ءِ سفر ءَ بلوچی لبزانک ءَ چنچو دیمروئی کتگ ؟ہرچ زانتکاریں مردمے ءَ را جست بہ بیت داں آئی ءِ گشگ ہمیش انت کہ کتابانی چھاپ وَ باز بوتگ بلئے کارانی ارزشت ءِ حساب ءَ انگت ءَ ہچی کنگ نہ بوتگ ۔
عمران بلیدی | وقتِ اشاعت :
نوکیں دورءِ بازیں جیڑگاں چہ یکے نشہ اِنت کہ مئے چاگرد ءِ مزن عمراں بگر داں کسا ن سالیں ورنا ہمیشی ءِ آماچ اَنت ۔اے بابت ءَ نئے سرکاری گلے ءَ گامیگجے زورگ بوتگ ءُُ نیکہ لس مہلوک ءَ اے بابت ءَ جوانیں سوڈگے بوتگ ۔ چوکہ منشیات ہرچی یے بہ بیت آ چرس، تریاک ، ہیروین، شراب، سگریٹ، چینی کینی ،گٹہ،ءُُ اے دگہ ہروڑیں نشہ یے بہ بیت آ چاگردے ءَ دیم ءَ برت نہ کنت ءُُ بلکیں سرجمیں چاگردےءَ را جہل دور دات کنت ۔
شونگال | وقتِ اشاعت :
بیست ءُُ یک جنوری ءَ بیلہ ءِ نزیک ءَ چہ کراچی ءَ آوکیں مساپری کوچے ءَ گوں ٹیلی ٹینکرے ءَ ڈکّر وارتگ ات کہ چہ آئی ءَ ٹیلی ٹینکر ءُُ کوچ یکجاہ سوتکگ ءُُ پر بوتگ ات انت ۔ چرے ویل ءَ 27 مردم بیران بوتگ انت کہ اے درہانی سیادی گوں پنجگور ات۔
اکبر علی ساسولی | وقتِ اشاعت :
ہردے بلوچستان ءِ گپ بیت ءُُ آہود ءَ اگاں فاروق بلوچ ءِ گپ مہ بیت چو بوت نہ کنت ۔بلوچستان ءِ دپتر ءِ بابت ءَ فاروق بلوچ ءِ کار درستاں دیم ءُُ سہر ا اَنت ۔میر حمزہ ءَ را دپتر ءِ دنزاں چہ در کنگ ءُُ مہلوک ءِ دست ءَ آرگ ءِ کار ہم ہمے واجہ ئیگ اِنت۔
بالاچ حمید نورؔ | وقتِ اشاعت :
اے ایوکیں وئیل نہ انت کہ نازکیں سرانی زیان بوتگ ءُُ حکومت ءِ نیمگ ءَ کمک ءُُ تاوان ءِ جار جنگ بوتگ ۔ اے جار ءِ ہما کہ مالی کمک اِنت آ یک کروڑ بہ بیت یاکہ دہ کروڑ بلئے اے وئیلاں ہما کہ سرانی زیان اِنت آئی ءِ تاوان ءَ زر گپت نہ کناں ءُُ نیکہ ءَ اے یک ماتے ءِ زہگ ءِ بدل بوت کنت ، نیکہ براتے ءِ جاہ ءَ گپت کنت ءُُ نیکہ پہ دشتار ءُُ جودے ءِ کنڈ ءَ پُر کت کنت۔
برنارڈ ایبسلن | وقتِ اشاعت :
پدا زیر زمین ءِ بادشاہ ءُُ مردگانی واجہ ءُُ حاکم حادث سرپد بوت کہ آئی ءِ ہمروچی کاراں دزمانجنی یے بوہگ ءَ انت ،آ پہ اشتاپی ہمے مرد ءِ ودار ات کہ آرپیسئیس اتک ءُُ آئی ءِ کرا ءَ سر بوت ۔ ’’ دگہ لوڈگی ءُُ سبکی مکن منی دیم ءَ آئی ءَ کوکار کت۔
شونگال | وقتِ اشاعت :
اے بتل ءِ معنا کنگ نہ بیت کسے ایشی ءَ سرپد بیت شر نہ بیت شر بلئے زانوک زانت کہ اے گنج کجا اِنت ءُُ مار کئے اِنت۔گوستتگیں بیست سال ءَ گیش اِنت کہ سرکار جارءَ انت کہ’’ گوادر کو میگا سٹی بنائیں گے‘‘گوادر ءِ میگا سٹی ءَ وَ بل آہود ءِ نندوکیں مردماں پہ ورگی آپے اوں انگت ءَ شوہاز گ نہ بوتگ ۔یکبرے گوادر ءَ را سنگاپور ءَ را دئیگ بوتگ اَت ،پدا چین ءَ را ءُُ نوں عرب ملکانی دست ءَ دئیگے لوٹ اَنت ۔
گلاب گُلؔ | وقتِ اشاعت :
یک قومے دیمروئی چون کت کنت؟ اے جست ءِ پسو سکیں ارزان ءُُ وش پہم اِنت بلئے کس ایشی ءِ پسو ءَ دئیگ نہ لوٹیت۔
بالاچ حمید نور | وقتِ اشاعت :
بلوچی لبزانک ءَ ہردے شاعری ءِ نوکیں دور ءِ نوکیں شاعرانی نام گرگ بیت داں ندیم اکرم ءِ نام ہچ رنگ ءَ ڈالچار کنگ نہ بیت۔چنائی ءَ ندیم اکرم عطا شاد ڈگری کالج ءَ اسلامیات ءِ یک استادے بلئے آئی ءِ واہگانی اوتاگ بلوچی شاعری ءَ گوں بستگ ءُُ مدام شعری دیواناں وتی استی ءِ جار ءَ گوں شعراں دنت ۔
برات بخشؔ | وقتِ اشاعت :
یک زمانگے بوتگ کہ یک نودربرے ءَ اگاں وتی استاد ءَ را راہ سراں دیستگ داں آئی ءِ شرپ ءَ پاد اتکگ ءُُ اوشتاتگ دانکہ استاد چماں اندیم بوتگ۔یک پتے ءَ یاکہ ماتے اگاں آئی ءِ زہگ ءَ آئی ءِ گپے نہ زرتگ داں آئی استاد حال داتگ ءُُ ہمائی ءِ ترس ءَ مدام آئی ءَ ہما کار کتگ ۔