اے حبر ءَ کس ھم رد کْت نہ کنت کہ نیکراہی(مذہب) ءِ سیادی گوں بنی آدم ءِ ذند آہی ءِ روحانی،چاگردی ءْ دود ءْ ربیدگاں گوں پراہءْ شاہگان اِنت.پمیشکا سیاستداناں گوں ملاھاں ھوار مذہب ءَ را وھد ءِ ھمبراہی ءَ وتی ذاتی مقصد ءْ لوٹانی سرجم کنگ ءِ ھاترا کارمرز کْت۔

بلوچی زبان ءِ نامداریں شاعر واجہ ممتاز یوسف کہ بلوچی لبزانک ءِ شعردوستداروکاں یک بلائیں مدتے بیت کہ آئیءِ شعری دپتر ءِ ودار بوتگ آ درستاں واہگ پیلو بوتگ ،بزاں واجہ ءِ شعرے کتاب پہ بازار ءَ نہادی ءَ جریدگ اِنت ۔

بلوچی زبان ءُُ ادب ءَ یک وھدے است اَت کہ شائر ءُُ ادیباں وت ماوت ہپتگی دیوان ءُُ مراگش کتگ ءُُ وتی زبان ءُُ شائری تک ءُُ پہناتانی ہروڑیں جیڑگ ءُُ جنجالانی سرا تران کتگ ءُُ ہما دیوان ءِ تہا ہما جیڑگانی گیشواری کنگ ءِ جہد کتگ باز براں ایشانی وت ما وت ءَ ترندکلامی ءُُ جنگ اوں بوتگ بلئے بازار ءِ کس چہ آ جنگ ءُُ ہبراں سرپد نہ بوتگ ایوک ءَ ہما دیوان ءِ مردم ءُُ دیوان ءِ مردماں اے اوں گشگ بوتگ کہ دیوان گپ ایوک ءَ دیوان ءَ بہ بنت ڈن ءَ درکنوکائی مہ بیت ۔

نبشتہ کنگ ہرکس کار نہ انت بلئے نبشتہ نیلگ ءُُ دارگ کسی حق نہ انت ۔بلوچی لبزانک ءَ ندکار وَ باز اَنت بلئے نبشتہ کار نیست انت ،نبشتہ کار ءُُ ندکار ءِ گستائی ءَ من اے پیم ءَ کت کناں کہ نبشتہ کار ہما اِنت کہ سرپد ءُُ زانندگ بہ بیت ءُُ نوں نبشتہ کنت ،آ نبشتہ کنگ ءَ پیسر سد رند ءَ پگر کنت ،لبزاں گچین ءُُ مٹ کنت ،پدا سالانی سراں اگاں یک کتابے چاپ کنت یا سرجمیں زند ءَ اوں چاپ اوں نہ کنت کہ کنت ،بلئے ندکار ہمااَنت کہ ہمک وہد نویسگ ءَ اَنت ۔

پگمیلین(Pygmation) یونان ءِ متھالوجیکل کسہانی تہا اے یک مزنیں بت سازے بیت ءُُ کول کنت کہ بہہ سور نہ کناں چیاکہ جنیناں ایش ءَ راسک دل آزار کتگ ات بلئے یک روچے سگ مرمر ءَ گوں یک جنینی بتے اڈ کنت ءُُ دل ءَ جیڑایت کہ ایش منا دل آزار نہ کنت۔

ایس،ایلیٹ impersonalازم ءِ لیکہ ءَ ءُُ آئی ءِ سرجمیں درانگازی ءَ وتی classicist تب کہ آ شائری ءُُ ازم ءِ نیمگ ءَ اِنت کہ یک جوانیں رنگے ءَ آئی ءَ وتی نبشتانک Tradition and individual talentءِ تہ ءَ سہرا کُتگ اَنت۔ایلیٹ وتی impersonalityءِ لیکہ ءِ پریچگ ءِ ھاتراپیسرا شائرے ءِ سیادی گوں گوست ءَ ءُُ دومی نیمگ ءَ لچہ ءِ سیادی گوں نبشتکار ءَ چکاس اِیت۔

نصیر کبدانی لبزانکی دیوان خاران ءِ چیردستی ءَ یک دیمدارھی مراگشے گل ءِ کارمستر واجہ مومن مزار ءِ پاگواجہی ءَ جم دارگ بوت۔ کہ آئی تہ ءَ نصیر کبدانی لبزانکی دیوان ءِ باسکاں ابید راھشون لبزانکی چاگرد ءِ باسک ، نودربر ، ٹیچرز ، وکلاء برادری ، احوالکار , لبزانت ءْ شاعراں بہر زرت۔وھدیکہ مراگش ءِ ھاسیں مہمان ڈاکٹر عبدالغنی ساسولی اَت ءْ جارچین ارمان آزگ اَت۔

ہور انگت ہما وڑ برجاہ انت کہ زی بیگاہ ءَ ایرے دات ات ۔جمبر کدی سیاہ بنت ءُُ کدی اسپیت لالین وتی گس ءِ دیم ءَ کنور ءِ رزاناں شودگ ءَ انت ءُُ دم پہ ساعت رہبند ءَ چاریت کہ آئی ماس ءِ زی کدیں کاینت کہ سہبی این یے شہر ءَ شنگ انت کہ ہمے دمان ءَ ٹیلیفون ءَ توار کرت۔