راولپنڈی : سیکیورٹی فورسز نے بلوچستان کے علاقے ہوشاب میں خفیہ اطلاعات کی بنیاد پر امن کے بیرونی سپانسر شدہ دشمنوں کو پکڑنے کے لیے آپریشن کرتے ہوئے تربت اور پسنی میں حالیہ دہشتگرد حملوں میں ملوث دہشت گرد کمانڈر آصف عرف مکیش سمیت 10 دہشتگرد ہلاک کردیئے جبکہ ان کے قبضے سے بھاری اسلحہ وگولہ بارود بھی برا ٓمد کرلیا ۔

کوئٹہ:  وزیراعلیٰ بلوچستان میر عبدالقدوس بزنجو نے کوہلو کے علاقے میں دہشت گردوں کے خلاف آپریشن میں کیپٹن حیدر عباس کی شہادت پر دکھ اور افسوس کا اظہار کر تے ہوئے کہا ہے کہ قوم کے ایک اور بیٹے نے ملک و قوم کی خاطر جان کا نزرانہ پیش کیا،قوم کو اپنے بہادر سپوتوں پر فخر ہے جو دہشت گردوں کو کیفر کردار تک پہنچانے کے لئے بیش بہا قربانیاں دے رہے ہیں، یہ بات انہوں نے اپنے ایک بیان میں کہی۔

اسلام آباد: وفاقی حکومت نے اداروں پر تنقید کو قابل دست درازی جرم قرار دینے کا فیصلہ کیا ہے۔ذرائع کے مطابق حکومت نے پریوینشن آف الیکڑانک کرائم ایکٹ 2016 میں ترمیم کی منظوری دے دی ہے۔ذرائع کا کہنا ہے کہ ایکٹ میں ترمیم کے بعد عدلیہ، فوج اور دیگر اداروں کے خلاف نفرت انگیز مہم چلانے والوں کے خلاف کارروائی ہو گی۔ذرائع کا بتانا ہے کہ مجوزہ ترمیم کے ذریعے اداروں پر تنقید کرنے والوں کو 3 سے 5 سال تک سزا دی جا سکے گی۔

کوئٹہ: چیف آف آرمی سٹاف جنرل قمر جاوید باجوہ نے کہا ہے کہ دہشتگردی سمیت دیگر چیلنجز کے باوجود محنت سے حاصل کئے ثمرات کو کسی بھی صورت واپس ہونے نہیں دیں گے، پاک فوج پنجگور کی ترقی اور خوشحالی کے لئے ہر ممکن معاونت فراہم کریگی، دہشتگردی کے خاتمے کے لئے دہشتگردوں کو انکے حامیوں و سہولت کاروں کے درمیان گٹھ جوڑ ختم کرنا ناگزیر ہے۔

کوئٹہ: چیف آف سراوان سابق وزیراعلی بلوچستان نواب محمد اسلم رئیسانی نے کہا ہے کہ بلوچستان میں ریکوڈک منصوبے کو چلانے کی صلاحیت موجود ہے ، ریکوڈک سمیت بہت سے معاملات تھے جن پر سمجھوتہ نہ کرنے کی وجہ سے صوبے میں میری حکومت ختم کردی گئی ، ہمیشہ فیڈریشن کے اندر رہ کر سیاست کی چاہتے ہیں کہ قومی اکائیوں کو ان کے آئینی حقوق دیئے جائیں ، بلوچستان کا مسئلہ طاقت کے ذریعے حل نہیں ہوسکتابلوچستان کو شمالی و جنوبی کے نام پر تقسیم کرنے کی باتوں سے گریز کیا جائے ۔

سلام آباد: وزیراعظم عمران خان نے کہا ہے کہ امریکا اور چین کے درمیان رقابت کے بجائے صحت مند مقابلے سے پوری دنیاکو فائدہ ہوگا،اس حوالے سے پاکستان ماضی کی طرح اپنا مثبت کردار ادا کرنا چاہتا ہے،میری ترجیح اپنے ملک میں قانون کی حکمرانی اور اپنے عوام کی فلاح و بہبود ہے، جیو اکنامکس… Read more »

کوئٹہ: حکومت بلوچستان اور ینگ ڈاکٹرز ایسوسی ایشن ،پیرامیڈیکس کے درمیان مذاکرات کامیاب تاہم ڈاکٹروں نے مطالبات کے نوٹیفکیشن ہونے تک ہسپتالوں میں قائم احتجاجی کیمپس میں ہی او پی ڈی لگانے کا اعلان کردیا۔یہ بات صوبائی وزیر صحت سیداحسان شاہ،ینگ ڈاکٹرز ایسوسی ایشن کے رہنماوں ڈاکٹر حفیظ مندوخیل ،حفیظ لونی ،پیرامیڈیکس کے رہنما جمال شاہ نے بدھ کی رات وزیراعلیٰ سیکرٹریٹ میں پریس کانفرنس کرتے ہوئے کہی۔صوبائی وزیر صحت سید احسان شاہ نے کہا کہ پارلیمانی کمیٹی اور ینگ ڈاکٹرز ،پیرامیڈیکس کے درمیان مذاکرات میں مثبت پیش رفت ہوئی ہے صوبائی حکومت پیرامیڈیکس کے ہیلتھ پروفیشنل الاونس میں 100فیصد اضافہ کریگی اسکی تجویز صوبائی حکومت کی الاونس کمیٹی کو ارسال کی جائے گی جو اپنی سفارشات مرتب کرکے وزیراعلیٰ کو ارسال کریگی ۔انہوں نے کہا کہ کلاس فور کے ملازمین کے ہیلتھ رسک الاونس میں 100فیصد اضافہ کیا جائے گا ۔

کوئٹہ/نوشکی: وزیراعظم عمران خان نے کہا ہے کہ قوم کو اعتماد ہے کہ پاکستان میں کسی بھی قسم کی دہشتگردی کامیاب نہیں ہوگی سی پیک کے دوسرے مرحلے میں صنعتکاری ،انفارمیشن ٹیکنالوجی اور زراعت کی بہتری کی طرف جائیں گے جس سے سب سے زیادہ فائدہ بلوچستان کو ہوگا، موجودہ حکومت نے بلوچستان میں سب سے زیادہ ترقیاتی منصوبے اور فنڈز دئیے ہیں۔

نوشکی : وزیراعلیٰ بلوچستان میرعبدالقدوس بزنجو نے کہا ہے کہ اللہ کے فضل سے پاکستان کی سیکورٹی فورسز دنیا میں نمبر ون ہیں جنہوں نے ہر کڑے اور مشکل وقت میں اپنی دلیری اور جرأت کے ساتھ دشمن کا مقابلہ کیا اور انہیں عبرت ناک شکست سے دوچار کیا۔ نوشکی اور پنجگور کے دہشتگردی کے واقعات اس کی روشن مثال ہیں جہاں ایف سی کے جوانوں نے چھپ کر بزدلانہ حملہ کرنے والے دہشتگردوں کو کیفر کردار تک پہنچایا اور وطن کی حفاظت کیلئے اپنی جانوں کے نذرانے بھی پیش کئے۔ ان خیالات کا اظہار انہوں نے ایف سی کیمپ میں ایف سی کے جوانوں سے خطاب کرتے ہوئے کیا۔

اسلام آباد: وفاقی وزیرداخلہ شیخ رشید احمد نے کہا ہے کہ دہشت گردوں کے پاس جدید اسلحہ ہے جو نیٹو فورسز چھوڑ کر گئیں، میرا خیال ہے کہ افغان طالبان نے کالعدم ٹی ٹی پی کو سمجھانے کی کوشش کی مگر وہ نہیں سمجھ رہے، افغانستان کے علاقے کنٹر، پکتیا اور خوست میں داعش اور… Read more »