کوئٹہ; وزیراعلیٰ بلوچستان میر عبدالقدوس بزنجو نے کہا ہے کہ بحیثیت ایک سیاسی ورکر میں نے یہ چیز دیکھی اور محسوس کی ہے کہ سابق صدر آصف علی زرداری اور سردار اختر جان مینگل میچور سیاستدان اور محب وطن ہیں سردار اختر جان مینگل کو صوبے کے ساتھ ساتھ مرکز کی بھی سیاست کرنی چاہئے۔ صوبے کی تمام قوم پرست مذہبی اور دیگر سیاسی جماعتوں سے گزارش ہے کہ وہ مردم شماری میں بڑھ چڑھ کر حصہ لیں کیونکہ یہ صوبے کے روشن مستقبل اور عوام کے بہتر مفاد میں ہے جہاں انہیں اس حوالے سے کوئی حکومتی خامی یا کوئی مسئلہ درپیش ہو وہ حکومت کو گائیڈ کریں حکومت ان کے ساتھ ہر ممکن تعاون کرے گی۔
