اسلام آباد میں منعقد ہونے والے رویت ہلال کمیٹی کے اجلاس کی صدارت مولانا عبدالخبیر آزاد کررہے ہیں جبکہ زونل کمیٹیوں کے اجلاس ملک بھر کے مقررہ مقامات پر ہورہے ہیں۔

کوئٹہ ; وزیراعلیٰ بلوچستان میر عبدالقدوس بزنجو نے محکمہ خزانہ کو بلوچستان یونیورسٹی کے اساتذہ اور عملے کی تنخواہوں کے لئے درکار فنڈز کے فوری اجراء کی ہدایت کردی وزیراعلیٰ نے یونیورسٹی کے اساتذہ اور عملے کی تنخواہوں کی ادائیگی عید سے قبل ادا کرنے کو یقینی بنانے کی ہدایت بھی کی ہے۔

کوئٹہ; گورنربلوچستان ملک عبدالولی خان نے کہا کہ صوبائی دارالحکومت کوئٹہ کے شہریوں کو مختلف تکالیف میں دیکھ کر دل رنجیدہ ہو جاتا ہے. انہوں نے ڈی سی کوئٹہ اور ایڈمنسٹریٹر پر زور دیا کہ وہ کوئٹہ کے شہریوں کے دکھوں کا مداوا کرنے کیلئے ہر روز کوئٹہ شہر اور اس کے مضافاتی علاقوں کا دورہ کرے تاکہ تمام شہری سکھ کا سانس لے سکیں۔

وزیراعظم شہبازشریف کی زیرصدارت ہونے والے حکومتی اتحاد کےاجلاس کی اندرونی کہانی سامنے آگئی ، جس میں حکمران اتحاد نےکسی بھی سیاسی فریق سےمشروط مذاکرات کو یکسر مسترد کردیا ۔

کوئٹہ:  اجلاس میں ال پارٹیز کانفرنس ضلع کوئٹہ کی نمائندہ وفد کے اراکین جمعیت علما اسلام کے صوبائی سرپرست اور ضلع کوئٹہ کے امیرمولانا عبدالرحمن رفیق صوبائی جوائنٹ سیکرٹری مولانا خورشید احمد ضلعی جنرل سیکریٹری حاجی بشیر احمد کاکڑ بلوچستان نیشنل پارٹی کے سنٹرل ایگزیکٹو کمیٹی اور ضلع کوئٹہ کے میر غلام نبی مری پشتون خواہ میپ کے صوبائی جوائنٹ سیکرٹری حضرت عمر اچکزئی ایڈوکیٹ کمشنر کوئیٹہ ڈویژن سہیل الرحمان کمشنر محکمہ شماریات نوراحمد پرکانی ڈپٹی کمشنر کوئٹہ شہک بلوچ اور دیگر نے شرکت کی اجلاس میں اب تک خانہ شماری ومردم کیلئے ھونے والے اقدامات اور خانہ شماری ومردم شماری میں حائل مشکلات اور کوتاہیوں کی نشاندہی اور ان کی سدباب پر سیر حاصل گفتگو ھوئی انتظامیہ اور سیاسی جماعتوں نے اس بات پر اتفاق کیا کہ کوئٹہ کے عوام نے غفلت لاپرواہی کا انتہائی مظاہرہ کرتے ہوئے اس اھم قومی فریضے میں عدم دلچسپی کا مظاہرہ کیا۔ 

قومی اسمبلی نے سپریم کورٹ کے حکم پر اسٹیٹ بینک کو الیکشن کیلئے فنڈز جاری نہ کرنے کی قائمہ کمیٹی کی سفارش منظور کرلی۔

کوئٹہ: وزیر اعلیٰ بلوچستان میر عبدالقدوس بزنجو نے وڈھ کے قریب قومی شاہراہ پر ٹریفک حادثے میں پانچ زیر تربیت پولیس اہلکاروں کے جاں بحق ہو نے پر دکھ اور افسوس کا اظہار کرتے ہوئے کہا ہے کہ المناک حادثہ میں قیمتی جانی ضیاع پر انتہائی افسوس ہوا سوگوار خاندانوں سے تعزیت ہمدردی اور یکجہتی کا اظہار کرتا ہوں۔

لاہور: ملک میں عام انتخابات کی تاریخ کے معاملے پر  اتفاق رائے پیدا کرنے کے لیے عیدالفطر کے بعد کل جماعتی کانفرنس کے انعقاد کا فیصلہ کیا گیا ہے۔

لسبیلہ: چیف سیکرٹری بلوچستان عبدالعزیز عقیلی نے کہا ہے کہ کوسٹل بیلٹ اور لسبیلہ کی ماسٹر پلاننگ میں ہنگلاج ماتا مندر کو بھی ترقیاتی پیکج میں شامل کیا گیاہے وزیر اعلیٰ بلوچستان میر عبدالقدوس بزنجو صوبائی کابینہ اور صوبے کے تمام افسران ہنگلاج ماتا میلے میں شرکت کرنے والے بلوچستان سندھ اور پاکستان کے ہندو کمیونٹی سے تعلق رکھنے والے یاتریوں کی خدمت کیلئے ہمہ وقت کوشاں ہیں ان خیالات کا اظہار انھوں نے ہفتہ کے روز ہنگلا ج ماتا مندر کے دورے کے موقع پر ہنگلاج شیوا منڈلی اراکین ملاقات کے دوران بات چیت کرتے ہوئے کیا اس موقع پر سیکرٹری مذہبی اقلیتی اْمور نور محمد جوگیزئی ،سیکرٹری C&Wعلی اکبر بلوچ ،چیف انجینئر مواصلات ڈاکٹر سجاد ،سیکرٹری PHEصالح محمد ،ڈائریکٹر PDMAنصیر ناصر ،ڈپٹی کمشنر لسبیلہ مراد خان کاسی ،ایم پی اے و چیئرمین اقلیتی کمیشن مکھی شام لعل لاسی اور ہنگلاج شیوا منڈلی کے کمیٹی کے جنرل سیکرٹری ورسی مل ،صدر مکھی ونود کمار،کونسلر پرکاش کمارڈاکٹر تولہ رام و دیگر موجود تھے ۔

جماعت اسلامی پاکستان کے امیر سراج الحق کی سیاستدانوں کو ساتھ بٹھانے کی کوششوں میں مثبت پیشرفت سامنے آئی ہے۔