اندرون بلوچستان: نیشنل پارٹی اور بی ایس او بچار پنجگور کے زیر اہتمام مولابخش دشتی کی برسی کی مناسبت سے نیشنل پارٹی کے ضلعی سکریٹریٹ میں تعزیتی ریفرنس کا انعقاد کیاگیا جس میں نیشنل پارٹی کے کارکنوں نے شرکت کی تعزیتی ریفرنس سے قبل مولابخش دشتی کی پارٹی کے لئے خدمات پر انھیں زبردست خراج تحسین پیش کرتے ہوئے مولابخش دشتی اور دیگر کی یاد میں کھڑے ہوکر دو منٹ خاموشی اختیار کی گئی تعزیعتی ریفرنس سے نیشنل پارٹی پنجگور کے ضلعی صدر حاجی صالح محمد بلوچ نیشنل پارٹی مرکزی ریسرچ اینڈ ایڈوکیسی پھلین بلوچ مرکزی کمیٹی کے رکن سابق ایم پی اے حاجی محمد اسلام بلوچ ضلعی جنرل سیکرٹری صدیق بلوچ تحصیل صدر تاج بلوچ تحصیل نائب صدر عدنان سعید گچکی بی ایس او بچار کے رہنماء عامر بلوچ تحصیل جنرل سیکرٹری الطاف حسین بلوچ اور دیگر رہنماؤں نے خطاب کرتے ہوئے کہاکہ مولابخش دشتی بلوچستان کی نظریاتی شعوری فکری سیاست کے درخشان باب کی حیثیت رکھتے تھے۔
تربت: دو مختلف واقعات میں فائرنگ سے دو افراد ہلاک ایک زخمی۔ گزشتہ روز ڈھنک میں ڈیزل کا کاروبار کرنے والے دو گروہوں کے درمیان ٹوکن کی تقسیم پر جھگڑا ہوگیا۔
ڈھاڈر: ڈھاڈر میں دن دہاڑے ہندو تاجر ہنداراج کی دکان میں ڈکیتی مسلح افراد نے اسلحہ کی زور پر تاجر جو زدوکوب کرکے قیمتی سامان اور نقدی لے اڑے واقعہ کے بعد ہندو برادری اور عوامی حلقوں میں تشویش کی لہر دوڑ گئی۔
گوادر: بلوچ اسٹوڈنٹس آرگنائزیشن پجار کے مرکزی سینئر وائس چیئرمین بوہیر صالح ایڈوکیٹ، جونیئر وائس چیئرمین گورگین بلوچ اور وحدت بلوچستان کے جنرل سیکریٹری عابد عمر بلوچ نے اپنے جاری کردہ بیان میں موجودہ وفاقی و صوبائی سیلکٹڈ حکومت کی گوادر کے ساتھ سوتیلی ماں جیسی رویہ اور سلوک کی شدید الفاظ میں مذمت کرتے ہوئے کہا کہ گوادر کو جان بوجھ کر تعلیمی پسماندگی کی طرف دھکیل دیا۔
قلات: قلات میں لیویز نے فائرنگ کے تبادلے کے بعد ملزمان کو گرفتار، اسلحہ برآمد۔ تفصیلات کے مطابق قلات لیویز نے مخبر خاص کی اطلاع پر ملزمان عبدالواحد وغیرہ اقوام مرداشئی ساکنان بیکار تحصیل و ضلع قلات علاقہ بیکار میں موجود ہونے کے اطلاع پر ڈپٹی کمشنر قلات سلطان احمد بگٹی کی خصوصی ہدایت پر اسسٹنٹ کمشنر قلات زاہد حمید لانگو، رسالدار علی احمد مینگل، لائن آفیسر لیویز قلات جان محمد لانگو نے لیویز جوانوں کے ہمراہ جب علاقہ بیکار پہنچے تو وہاں پہلے سے گھات لگائے بیٹھے مسلح ملزمان نے ان پر اندھا دھند فائرنگ شروع کردی۔
گوادر: گوادر شہر میں دن کے اوقات میں بجلی کا طویل بریک ڈاؤن، انجمن تاجران گوادر کے صدر حاجی غلام حسین کا کابینہ اراکین کے ہمراہ ایکسئین کیسکو گوادر حسن علی مگسی سے ملاقات. ملاقات میں انجمن تاجران کے وفد نے ایکسیئن کیسکو کو گزشتہ دو دنوں سے شہر میں بجلی کی غیر اعلانیہ بندش پر کاروباری لوگوں کے مشکلات اور عام صارفین کی پریشانیوں سے آگاہ کیا۔
وڈھ: بلوچستان نیشنل پارٹی تحصیل وڈھ کے کال پر ہندو تاجر اشوک کمار نانک رام محمد طاہر لہڑی ڈاکٹر کریم گزگی کے قاتلوں کی عدم گرفتاری اور وڈھ بازار میں بھتہ خوری وڈھ بازار کے تاجران کو تحفظ نہ دینے اور سارونہ مائننگ کے بندش کے خلاف ایک احتجاجی ریلی نکالی گئی۔
\کوئٹہ: حکومت بلوچستان نے دونئے یژنز اور اضلاع کے قیام کا باقاعدہ نوٹیفکیشن جاری کردیا، منگل کو گورنر بلوچستان نے کابینہ کے فیصلے کی توثیق کرتے ہوئے ضلع ژوب کو دو ڈویژنز میں تقسیم کرنے کا نوٹیفکیشن جاری کردیا ژوب ڈویژ ن میںژوب، قلعہ سیف اللہ اور شیرانی جبکہ لورالائی ڈویژن میں ضلع لورالائی، موسیٰ خیل، بارکھان اور دکی شامل ہیں اسی طرح قلعہ عبداللہ کو بھی دو اضلاع میں تقسیم کردیا.گیا ہے،نوٹیفکیشن کے مطابق ضلع قلعہ عبداللہ کا ڈسٹرکٹ ہیڈکوارٹر جنگل پیر علی زئی ہوگا
مچھ: شہری ایکشن کمیٹی مچھ کا ایک اجلاس منعقد ہوا شہری ایکشن کمیٹی میں شامل سیاسی جماعتوں کے نمائندے نیشنل پارٹی سے خدائے رحیم بلوچ مسلم لیگ ن سے ملک اسداللہ سمالانی پی پی پی کے ضلعی صدر وڈیرہ عبدالرشید ابڑوجمعیت علما اسلام سے حافظ صدیق سمالانی پی ٹی آئی سے حسن مینگل پریس کلب مچھ سے حاجی غلام سرور تالپور جی ٹی اے بی سے خدائے رحیم سمالانی اور ٹریڈ یونینز پاکستان پیرامیڈیکل فیڈریشن بولان ادبی دیوان جی ٹی اے آئینی ودیگر سماجی سیاسی تنظیموں کے نمائندوں نے کثیرتعداد میں شرکت کی۔
