خضدار: بی ایس او کے مرکزی کمیٹی کے رکن حفیظ بلوچ،بی ایس او (پجار) کے مرکزی آرگنائزنگ کمیٹی کے رکن کریم بلوچ،بی این پی (عوامی) اسٹوڈنٹ ونگ کے صدر نویدمینگل،بی ایس او کے مقامی رہنماوں طارق عزیز بلوچ،حبیب بلوچ،چیف رحمت اللہ بلوچ،شکیل بلوچ،عصمت بلوچ،زکریا بلوچ،آصف بلوچ،فدا بلوچ،ارسلان بلوچ اور سیف جالب بلوچ نے کہا ہے کہ تعلیم ثقافتی,معاشی اور سماجی میدان میں ترقی کیلئے بے حد ضروری ہے۔

تربت: انسداد منشیات کمیٹی ڈنک کے زیر اہتمام جلسہ، آل پارٹیز کیچ کے رہنماؤں سمیت بڑی تعداد میں لوگوں نے شرکت کی۔ ڈنک میں انسداد منشیات کمیٹی ڈنک کے منعقد عوامی جرگہ سے خطاب کرتے ہوئے آل پارٹیز کیچ کے کنوینر خالد ولید سیفی نے کہا کہ منشیات کے دھندے کو ایک سازش نے تحت ہمارے معاشرے پر مسلط کردیا گیا ہے جس کا مقصد معاشرے کو سیاسی و سماجی شور سے بے بہرہ کر کے بانجھ اور اپنا تابع فرمان بنانا ہے۔

کوئٹہ: حکومت بلوچستان نے 30جولائی کو پاک افغان بارڈر پرپیش آنے والے واقعہ کی تحقیقات کیلئے انکوائری کمیٹی تشکیل دیدی،انکوائری کمیٹی ذمہ داران کا تعین،نقصانات کااندازہ اور حالات کومعلوم کرکے رپورٹ 15دن کے اندر وزیراعلیٰ بلوچستان کو پیش کریگی۔

کوئٹہ: بلوچستان یونیورسٹی اکیڈمک سٹاف ایسوسی ایشن کا ایک ہنگامی اجلاس زیر صدارت ڈاکٹر کلیم اللہ بڑیچ منعقد ہوا اجلاس میں جنرل سیکرٹری عبدالباقی جتک اور وائس پریزیڈنٹ فرید خان اچکزئی اور کابینہ کے تمام ارکان نے شرکت کی اجلاس میں گزشتہ روز چانسلر کے دورہ بلوچستان کا دورہ یقینا ان کیلئے خوش آئند اور سنگ میل کی حیثیت تو رکھتا ہوگا لیکن یونیورسٹی کے لیے نیک شگون نہیں۔

کوئٹہ: ایڈیشنل ڈسٹرکٹ اینڈ سیشن جج ٹو سریاب کوئٹہ امین اللہ کاسی نے قتل کے مقدمے میں نامزد صوبائی وزیر تعلیم سردار یار محمد رند اور ان کے صاحبزادے کو عدم ثبوت اور شک کا فائدہ دیتے ہوئے بری کرنے کا حکم دیدیا۔ پیر کے روز رند قبیلے کے سربراہ، صوبائی وزیر تعلیم سردار یار محمد رند اور ان کے صاحب زادے سردار خان رند کے خلاف دفعہ 302 کے تحت مقدمہ کی سماعت ہوئی۔

کوئٹہ: پاک افغان سرحد باب دوستی محرم الحرام کی وجہ سے 9 ویں محرم کو بند رہی۔سیکیورٹی حکام کے مطابق بلوچستان میں نویں اور دسویں محرم الحرام میں سیکیورٹی انتظامات کے سلسلے میں چمن کے ساتھ پاک افغان بارڈر باب دوستی کو 2 روز کے لیے بند کر دیا گیا ہے۔حکام کے مطابق اس دوران باب دوستی سے افغانستان کے ساتھ ہر قسم کی دوطرفہ تجارت اور پیدل آمدورفت معطل رہے گی۔

کوئٹہ: متحدہ عرب امارات کی اقوام متحدہ کی مہاجرین ایجنسی، یو این ایچ سی آر اور کوئٹہ میں مہارتوں کی نشوونما کے ذریعے پسماندہ افغان مہاجرین اور پاکستانی خواتین کو بااختیار بنانے کے لئے اقوام متحدہ کے ہاتھ مل گئے۔شارجہ سے وابستہ یو این ایچ سی آر اور ناما نیم نیم ہنرمند مہاجر اور پاکستانی خواتین کاریگروں کی مدد کریں گے جنھیں قالین بنوانے کی مہارت کو پالش کرنے اور ان کی آمدنی پیدا کرنے کی صلاحیت کو بہتر بنانے کا موقع ملے گا۔

کوئٹہ: صوبائی وزیر خزانہ میر ظہور احمد بلیدی نے کہاہے کہ بلو چستان قدرتی وسائل سے مالا مال ہے اس خطے میں تجارت،سیاحت اور سرمایہ کاری کے بے پناہ مواقع میسر ہیں ضرورت اس امر کی ہے کہ بیرونی سرمایہ کاروں کو اس طرف راغب کیا جائے اس مقصد کیلئے صوبائی حکومت وزیر اعلیٰ بلو چستان کی سربراہی میں اورصوبے کی تاریخ میں پہلی بار بلو چستان بورڈ آف انویسٹمنٹ اینڈ ٹریڈ کا قیام عمل میں لائی جو صوبے میں سرمایہ کاری کی نئی راہیں تلاش کریں گے۔

کوئٹہ: چیف سیکرٹری بلوچستان کیپٹن(ر) فضیل اصغر نے کہا ہے کہ صوبے میں ہیپاٹائٹس بی، سی اور ڈی(کو انفیکشن) تشویشناک حد تک بڑھ رہا ہے جس کے روک تھام کے سلسلے میں حکومت تمام اسٹیک ہولڈرز کے ساتھ ملکر،ماس اسکریننگ، ویکسین اور آگاہی مہم چلائے گی، وزیراعلیٰ ہیپاٹائٹس فری بلوچستان پروگرام کی کاوشیں قابل ستائش ہیں پروگرام کو صوبائی حکومت ہر ممکن معاونت فراہم کریگی۔

کوئٹہ: انجمن تاجران بلوچستان رجسٹرڈ کے صدر رحیم آغا جنرل سیکرٹری حاجی اللہ داد ترین، حاجی نصرالدین کاکڑ، حاجی اسلم ترین، حاجی یعقوب شاہ کاکڑ، محمد حسین ہزارہ، سید حیدرآغا نے اپنے ایک مشترکہ بیان میں کہا ہے کہ چھٹی محرم کو بعد نماز ظہر، ساتویں محرم کے جلوس کے راستوں میں واقعہ دکانیں سیل ہونا شروع ہوں گے اس لئے تمام دکانداروں سے درخواست ہے کہ وہ اپنی دکانوں پر موجود رہیں اور دکان چیک کراکے سیل کرائے۔