چیئرمین پاکستان پیپلز پارٹی بلاول بھٹو زرداری جمعیت علما اسلام (ف) کے سربراہ مولانا فضل الرحمان کو پاکستان تحریک انصاف سے مذاکرات کے لیے قائل کرنے کے لیے ڈیرہ اسماعیل خان پہنچ گئے۔

عارف علوی کا کہنا ہے کہ قانون سازی کی اہلیت اور بل کی درستگی کا معاملہ اعلیٰ ترین عدالتی فورم کے سامنےزیر سماعت ہے، اورمعاملہ زیرسماعت ہونے کے احترام میںبل پر مزید کوئی کارروائی مناسب نہیں ۔

جسٹس قاضی فائز عیسیٰ کا کہنا ہے کہ جب کوئی ناانصافی ہوتی ہے تو زیادہ دیر ٹھہرتی نہیں، غلط فیصلہ غلط رہے گا چاہے اکثریت کا ہو، آئین ایسا تحفہ ہے جو دوبارہ نہیں ملے گا، میری رائے کی اہمیت نہیں، رائے وہی ہوگی جو آئین میں لکھی ہو، جب تک لوگ آئین نہیں سمجھیں گے اس کی قدر بھی نہیں ہوگی، ہر کوئی سر ہلانے لگے تو آمریت کی طرف اشارہ ہوگا۔

پشاور میں عید الفطر کے دوران ہوائی فائرنگ، ون ویلنگ اور کھلونا بندوق کے استعمال پر پابندی عائد کردی گئی۔

اسلام آباد: پنجاب میں 14 مئی کو انتخابات کے لیے سکیورٹی کی فراہمی کے معاملے پر انٹیلی جنس ایجنسیوں کے سربراہان نے چیف جسٹس سمیت دیگر ججز سے ملاقات کی۔

پنجاب میں الیکشن کیلئے 21 ارب روپے کی فراہمی کے معاملے پر سپریم کورٹ کی ڈیڈ لائن کا آخری روز ہے، اسٹیٹ بینک نےاب تک الیکشن کمیشن کو رقم جاری نہیں کی۔ قومی اسمبلی کی قائمہ کمیٹی برائے خزانہ نے معاملہ قومی اسمبلی بھیج دیا، وزارت خزانہ سمری پیش کرے گی، قائم مقام گورنر بولیں سپریم کورٹ کے حکم پر رقم ایلوکیٹ کردی لیکن رقم کے اجراء کا اختیار اسٹیٹ بینک کے پاس نہیں۔ اٹارنی جنرل کہتے ہیں اگر اسمبلی نے 30 جون تک منظوری نہ دی تو پھر کون ذمہ دار ہوگا؟، سنجیدہ مسائل پیدا ہو سکتے ہیں، بہتر ہے منظوری پہلے لی جائے۔ وزیر مملکت عائشہ غوث پاشا بولیں سمری وفاقی کابینہ کو بھیجیں گے، تمام ادارے رولز پر عملدرآمد کرنے کے پابند ہیں۔

پی ٹی آئی کے مرکزی سینئر نائب صدر فواد چودھری نے صدر عارف علوی کو خط لکھ دیا۔ جس میں وفاقی حکومت اور الیکشن کمیشن کی جانب سے دستور سے انحراف کے پیشِ نظر معاملہ عدالتِ عظمیٰ کو بھجوانے کی سفارش کردی۔

وزیراعظم شہبازشریف کی زیرصدارت لاہورمیں چینی کی اسمگلنگ، ذخیرہ اندوزی اورمنافع خوری کے حوالے سے اہم اجلاس ہوا، جس میں وزیراعظم نے ناجائزمنافع خوری اور سمگلنگ کی اطلاعات پر سخت برہمی کا اظہارکرتے ہوئےچینی کی اسمگلنگ، ذخیرہ اندوزی اور منافع خوری کے خلاف بڑے کریک ڈاؤن کی منظوری دے دی ۔

قومی اسمبلی نے سپریم کورٹ کے 8 رکنی بینچ کے گزشتہ روز کے حکم نامے کو مسترد کردیا ، اور حکم نامے کیخلاف مذمتی قرارداد منظور کرلی ،جسٹس کےازخود نوٹس کےاختیار سے متعلق مزید ترامیم کا بل بھی منظور جبکہ سابق چیف جسٹس ثاقب نثار کی جانب سے ڈیمز فنڈ قائم کرنے سے متعلق قرارداد بھی منظورکرلی۔

سپریم کورٹ کے جسٹس قاضی فائز عیسیٰ نے  گزشتہ روز قومی آئینی کونشن میں شرکت کے حوالے سے وضاحت کی ہے۔