وفاقی وزیر داخلہ رانا ثناء اللہ کہتے ہیں کہ اقتدار میں آنے کے بعد اپوزیشن کا خاتمہ عمران خان کا مشن تھا، لیکن اسٹیبلشمنٹ نے ان کا ساتھ نہیں دیا، اسٹیبلشمنٹ سے جو غلطی ہوئی وہ تسلیم کرتے ہیں، عدم اعتماد کے وقت اسٹیبلشمنٹ کا کردار نیوٹرل تھا، عمران خان کے اتحادیوں کو روکنا فوج کا کام نہیں تھا۔

وزیراعظم شہباز شریف نے ترکیہ کے سفارتخانہ کا دورہ کیا اور زلزلے میں قیمتی جانوں کے ضیاع پر اظہار افسوس کرتے ہوئے کہا کہ متاثرین کی بحالی تک ترک بھائیوں کی حمایت جاری رکھیں گے۔

الیکشن کمیشن نے گورنر پنجاب بلیغ الرحمان سے انتخابات کی تاریخ کے معاملے پر مشاورت کے سلسلے میں ملاقات کے لیے وقت مانگ لیا۔

لاہور ہائیکورٹ نے وفاقی اور صوبائی حکومتوں کو اردو کو بطور سرکاری زبان نافذ کرنے کا حکم دیتے ہوئے ایک ماہ میں عملدرآمد رپورٹ طلب کرلی۔

اقتصادی رابطہ کمیٹی (ای سی سی) نے قدرتی گیس کی قیمتوں میں اضافے کی منظوری دے دی۔

چین کی سرکاری اور بڑی شپنگ کمپنی کوسکو نے پیشگی رقم کے بغیرپاکستان کنٹینر روانگی معطل کردی۔

پاکستان اور  آئی ایم  ایف کے درمیان  قرض  پروگرام کی بحالی کیلئے آج  سے آن لائن مذاکرات شروع  ہوں گے۔

کراچی میں میڈیا سے گفتگو میں رانا ثنا اللہ کا کہنا تھاکہ ہم دن رات پاکستان کی ترقی کیلئے کام کررہے ہیں اور کچھ سیاست دان اپنے گھٹیا ایجنڈے کو آگے بڑھارہے ہیں، عمران خان ساڑھے تین سال اپنے گھٹیا ایجنڈے کو چلاتے رہے۔

کراچی:زمان بلوچ کو تربت بازار سے جبری طور پر لاپتہ کیا گیا ہے دو دن گزرنے کے بعدتاحال ان کاکوئی پرسان حال نہیں، سکیورٹی اداروں اور عدلیہ سمیت کسی بھی ادارے کی جانب سے شنوائی نہ ہونے کے باعث اپنا کیس میڈیا پر لا رہے ہیں۔

چیف آرگنائزر ن لیگ مریم نواز کا کہنا ہے کہ ووٹ کو عزت دو مہم میں بہت مؤثر سوشل میڈیا چلایا، جس پر پاپا جونز کو ہمارے خلاف کریک ڈاؤن کرنا پڑا۔