بلوچستان کو ترقی دینے کے متعلق ملک کی بڑی سیاسی جماعتوں کے قائدین نے ہمیشہ بڑے دعوے کیے ہیں۔ حکمران جماعت یا اپوزیشن کا بیانیہ ایک ہی رہا ہے کہ بلوچستان ہمارا معاشی شہ رگ ہے قدرتی وسائل سے مالامال خطہ ہے جو آنے والے وقت میں گیم چینجر ثابت ہوگا۔بے پناہ معدنی وسائل کے باوجود غلط پالیسیوں کی وجہ سے اس اہم صوبہ کو پسماندہ رکھا گیا مگر اب بڑی تبدیلی آئے گی یہاں سڑکیں، بجلی گھر، صنعتیں، ائیرپورٹ، جدید ریلوے نظام، اعلیٰ ٹرانسپورٹ سروس سمیت وہ تمام سہولیات فراہم کی جائینگی جو شایدملک کے کسی صوبہ کو پہلے نہ دیا گیا ہو اور بڑے پیکجز کا بھی اعلان کیا جاتا ہے۔
جج ارشد ملک کے بیان حلفی اور ان کو ہٹانے کے بعد نواز شریف کو ہونے والی سزا کا معاملہ نیا رخ اختیار کرتا جارہا ہے جہاں اس پر مسلم لیگ ن سیاست کررہی ہے وہیں ارشد ملک کے سنائے گئے فیصلے اور مبینہ ویڈیو پر بھی بحث جاری ہے۔ مگر یہ معاملہ سیاست سے آگے قانونی تقاضوں کاہے جسے انتہائی باریک بینی سے دیکھاجاناچائیے کیونکہ کسی بھی معاشرے میں عدلیہ کا کردار انتہائی اہم ہے جسے سیاست سے بالائے طاق رکھ کر دیکھا جاتا ہے۔
لاہور سے کوئٹہ جانے والی اکبر ایکسپریس رحیم یار خان کے قریب ولہار اسٹیشن کی حدود میں کھڑی مال گاڑی سے ٹکرا گئی جس کے نتیجے میں موقع پر گیارہ افراد جاں بحق اور 80سے زائد زخمی ہوگئے، حادثے میں مسافر ٹرین کا انجن مکمل طور پر تباہ ہوگیا اور 3 سے 4 بوگیاں پٹڑی سے اتر گئیں،6 سے 7 بوگیاں شدید متاثر ہوئیں۔ حادثہ صبح 4 بجے کے قریب پیش آیا، ٹرین میں سوار بیشتر مسافر سو رہے تھے۔
گزشتہ چند دنوں کے دوران بڑی خبریں سامنے آنے کے بعد ملکی سیاسی صورتحال میں گرماگرمی پیدا ہوگئی ہے، اپوزیشن جماعتوں کی جانب سے پہلے چیئرمین سینیٹ کے خلاف عدم اعتماد کی تحریک لانے کافیصلہ مشترکہ طور پر کیا گیااور اس پر عملدرآمد کرتے ہوئے گزشتہ روز سینیٹ میں عدم اعتماد کی تحریک جمع کرادی گئی۔
اپوزیشن نے چیئرمین سینیٹ صادق سنجرانی کے خلاف عدم اعتماد کی تحریک قرارداد سینیٹ سیکرٹریٹ میں جمع کرادی، اپوزیشن چیئرمین سینٹ کے امیدوار کا فیصلہ 11 جولائی کو کرے گی جبکہ سیکرٹری سینیٹ محمد انور نے کہا ہے کہ سینیٹ سیکرٹریٹ اپوزیشن کی قرارداد اور ریکوزیشن کا مکمل جائزہ لینے کے بعد آئین و قانون کے مطابق فیصلہ کریگا۔
وزیرِ اعظم عمران خان کی زیر صدارت “احساس اسٹیرنگ کمیٹی” کاوزیراعظم آفس میں پہلا اجلاس ہوا۔ حکومت کی جانب سے شروع کیے جانے والے ملکی تاریخ کے سب سے بڑے “احساس پروگرام ” کے حوالے سے تفصیلی بریفنگ دی گئی۔
پیر کے روز پاکستان مسلم لیگ نواز کی نائب صدر مریم نواز نے لاہور میں ایک پریس کانفرنس کے دوران نواز شریف کو قید کی سزا سنانے والے احتساب عدالت کے جج ارشد ملک کے مبینہ انکشافات پر مبنی ویڈیو جاری کی جس کے بعد پاکستان کے سیاسی منظرنامے پر ہلچل مچ گئی۔
اپوزیشن کی جانب سے قائم کر دہ رہبر کمیٹی نے 9جولائی کو چیئرمین سینٹ کے خلاف قراراد جمع کرانے اور11 جولائی کو چیئر مین سینٹ کے لئے مشترکہ امیدوار کے نام کااعلان کرتے ہوئے کہا ہے کہ 10 جولائی سے یوم سیاہ کے انتظامات شروع کردئیے جائینگے اور صوبائی سطح پر جلسے 25 جولائی کو منعقد کئے جائیں گے۔وزیر اعظم نے چیئرمین سینیٹ کیخلاف تحریک عدم اعتماد ناکام بنانے کے لئے وزیر پارلیمانی امور اعظم سواتی کوٹاسک دے دیا ہے۔
بلوچستان کی سیاسی جماعتوں اور عوام کی یہی خواہش ہے کہ انہیں بنیادی سہولیات سڑکیں‘ بجلی‘ گیس‘ اسکول‘ ہسپتال دیگر تعلیمی اور نجی ادارے اور روزگار کے مواقع حاصل ہوں۔ سی پیک اگر کسی حد تک چند ایک ضرورتیں مہیا کرتا ہے تو ہر ذی شعور اس کی حمایت کرے گا مگر بنیادی مسئلہ بلوچستان کی ترقی کا ہے۔ اس کے لئے اربوں روپے سالانہ کی ضرورت ہے۔
ملک ایک طویل عرصہ کے بعد جمہوریت کی طرف گامزن ہے یہ خوش آئند بات ہے کہ گزشتہ دو حکومتوں نے اپنی مدت پوری کی، تیسری حکومت پی ٹی آئی کی بنی ہے جو جمہوریت کے تسلسل کے ساتھ جاری ہے، البتہ یہ بات الگ ہے کہ سیاسی انتقامی کارروائیوں کی وجہ سے نظام پر انتہائی برے اثرات مرتب ہوئے ہیں۔
