پاکستان کے سابق صدر جنرل ریٹائرڈ پرویز مشرف کی جماعت آل پاکستان مسلم لیگ نے پاکستان عوامی اتحاد کے نام سے 23 جماعتوں کا گرینڈ الائنس قائم کرنے کا اعلان کیا ہے۔آل پاکستان مسلم لیگ کے مرکزی دفتر میں پرویز مشرف نے اس الائنس کے حوالے سے کہا ہے کہ یہ ایک بڑا فیصلہ ہے کہ ہم اکٹھا ہونا چاہتے ہیں ۔

انسپکٹر جنرل آف پولیس بلوچستان معظم جاہ انصاری نے کہا ہے کہ تاریخ بلوچستان پولیس کی قربانیوں سے بھری پڑی ہے پولیس نے ہمیشہ دیگر قانون نافذ کرنے والے اداروں کے ہمراہ عوام کے جان ومال کے تحفظ اور اپنے فرائض کی انجام دہی کے لئے ہراول دستے کا کردار ادا کیا ہے۔ 

پیراڈائزپیپر لیکس میں 13.4 ملین دستاویزات شامل ہیں جن میں زیادہ تر ایک صف اول کی آف شور کمپنی ایپل بی سے متعلق ہیں۔ان دستاویزات میں زیادہ تر کرداروں کا مرکزوہ سیاستدان، ملٹی نیشنل کمپنیاں، مشہور اور امیر شخصیات ہیں جنہوں نے ٹرسٹ، فاؤنڈیشن اور شیل کمپنیوں کے پیچیدہ نظام کو استعمال کیا تا کہ اپنے سرمایہ پر لگنے والی ٹیکس کو بچا سکیں یا اپنی کاروباری سرگرمیوں کو پردے میں رکھ سکیں۔

پاکستانی فوج کے سربراہ نے ایران کا دو روزہ دور ہ کیا۔ دورے کے دوران جنرل قمر جاوید باجوہ نے ایرانی فوج کے سربراہ کے علاوہ ایرانی سیاسی قیادت سے بھی ملاقات کی جہاں دو طرفہ امور خصوصاً خطے کی صورت حال زیر بحث آئی ۔ ایران اور پاکستان کی مشترکہ سرحد ‘ امن اور سلامتی کی سرحد کہلاتی ہے جس کو دہشت گرد خصوصاً مذہبی جنونی عناصر برباد کرنا چاہتے ہیں ۔

بہت عرصہ بعد پاکستان پیپلزپارٹی نے عوام سے رابطہ مہم شروع کردیا ہے اور سب سے بڑا عوامی مسئلہ ‘ قیمتوں میں اضافہ اور گرانی کو اٹھایا ہے۔ چونکہ سینکڑوں اشیاء کی قیمتیں پٹرول کی قیمت سے جڑی ہوئی ہیں اس لیے پٹرول کی قیمتوں میں اضافے سے ہر چیز کی قیمت میں اضافہ ہوجاتا ہے ۔

وزیراعلیٰ نے ایک بار پھر حکم صادر کیا ہے کہ گوادرمیں پینے کے پانی کا مسئلہ حل کیاجائے ۔گوادر کو پاکستان میں شامل ہوئے تقریباً60سال مکمل ہونے والے ہیں ۔ ابتداء سے ہی پاکستان کے حکمرانوں کو گوادر اور اس کے عوامی مسائل سے کبھی کوئی دلچسپی نہیں رہی ۔

بلوچستان کے عوام سے نفرت اور تنگ نظری کی ایک اور مثال سامنے آگئی۔ گزشتہ دنوں کچھی کینال کا پہلا مرحلہ مکمل ہونے کے بعد دوسرے اور تیسرے مرحلے کی تعمیرات روک دی گئیں اور یہ منصوبہ بگٹی قبائلی علاقے تک پہنچا کر ختم کردیا گیا ۔

وزیراعلیٰ بلوچستان نواب ثنا ء اللہ خان زہری نے کارواٹ میں نصب 2ملین گیلن پانی روزانہ کی استعدادکے ڈی سلینیشن پلانٹ کی غیرفعالی پر سخت ناپسندیدگی کا اظہارکرتے ہوئے پلانٹ کی فعالی میں حائل مسائل کو فوری طورپر حل کرکے اسے فعال کرنے کی ہدایت کی ہے۔

وفاقی حکمرانوں نے فیصلہ کیا ہے کہ آئندہ انتخابات میں بلوچستان کو قومی اسمبلی کی دو اضافی نشستیں دی جائیں گی۔ شاید حکمران اسی کو بلوچستان کی دہائیوں کی احساس محرومی اور مایوسیوں کا مداوا سمجھتے ہیں۔

گزشتہ دنوں مسلم لیگ کے اہم ترین رہنماؤں کا ایک اجلاس لندن میں ہوا جس میں وزیر اعظم خاقان عباسی اور پنجاب کے وزیراعلیٰ میاں شہباز شریف بھی شریک تھے معتبر ذرائع کے مطابق یہ دونوں شخصیات خصوصی طورپر لندن کے اجلاس میں شریک ہوئے اور اس تجویز کے ساتھ کہ نواز شریف وزارت عظمیٰ سے بر طرفی کے بعد مسلم لیگ کی صدارت بھی چھوڑ دیں ۔