حکومت کا عوام کو سستی بجلی فراہم کرنے کا وعدہ کٹائی میں پڑگیا۔

حکومت اور پی ٹی آئی کے درمیان مذاکرات چند روز سے ڈیڈ لاک کا شکار ہیں۔ حکومتی کمیٹی کی جانب سے اصرار کیا جاتا ہے کہ پی ٹی آئی اپنے مطالبات تحریری طور پر پیش کرے، جبکہ پی ٹی آئی کمیٹی ارکان نے بانی پی ٹی آئی سے ملاقات کرکے حتمی مشاورت کا مطالبہ کیا… Read more »

ریاست کی سب سے بڑی اور اہم ذمہ داری شہری حقوق کا تحفظ اور بنیادی انسانی حقوق کی فراہمی ہے۔

بلوچستان اسمبلی کے حلقہ پی بی 45 کوئٹہ میں 15 پولنگ اسٹیشنز پر الیکشن ٹربیونل کے حکم پر دوبارہ پولنگ کے نتیجے میں پاکستان پیپلز پارٹی کے حاجی علی مدد جتک کامیاب قرار پائے۔

پاکستان کی معیشت میں بہتری لانے کیلئے پیداواری صلاحیت بڑھانے، ہنر اور وسائل کا بہتر استعمال ضروری ہے ۔بدقسمتی سے ملکی معیشت پر سیاسی حالات ہمیشہ حاوی رہے ہیںجس کی وجہ سے کسی بھی حکومت نے بڑے معاشی منصوبہ نہیں دیئے ۔

بلوچستان کے شمالی علاقوں میں بارش اوربرف باری کا سلسلہ شروع ہوگیا ہے جس سے سردی کی شدت میں اضافہ ہوگیا ہے۔ زیارت، کان مہترزئی، مستونگ میں برف باری کے بعد سردی بڑھ گئی۔ وادی کوئٹہ اور گردونواح میں وقفے وقفے سے بارش کا سلسلہ جاری ہے۔محکمہ موسمیات کے مطابق بارش اور برف باری کا سلسلہ 5 جنوری تک جاری رہے گا۔ بارش اوربرف باری سے شدید سردی کے دوران گیس لوڈ شیڈنگ زوروں پر ہیجس کی وجہ سے شہریوں کو سخت پریشانی کا سامنا کرنا پڑ رہا ہے، کہیں گیس بالکل غائب ہے تو کہیں انتہائی کم پریشر کیساتھ وقفے وقفے سے گیس فراہم کی جارہی ہے۔خواتین، بچوں اور بزرگوں کو مشکلات کا سامنا ہے۔

یکم جنوری کو طے پانے والے کْرم امن معاہدے پر باقی 6 ارکان نے بھی دستخط کردئیے جبکہ امن معاہدے کے تحت پہلا قافلہ آج پارا چنار روانہ کیا جائے گا۔ کرم امن معاہدے کے تحت امن کمیٹیاں بھی قائم کردی گئی ہیں جن میں مقامی افراد، قبائلی عمائدین اورسیاسی قیادت شامل ہے .

کسان ملک کا بڑا اثاثہ ہیں، مہنگائی میں کمی کے لیے کسانوں کی آمدنی دگنی ہونی چاہئے کسان کی آمدن بڑھے گی تو زمینیں آباد ہونگی، کسان اپنا سرمایہ پیداواری صلاحیت پر خرچ کرینگے جس سے زرعی انقلاب آئے گا اور ملک کو معاشی فائدہ پہنچے گا جس سے غربت کی شرح میں بھی کمی ہوگی اور کسان کی پیداوار میں اضافے کے ساتھ اشیائے خورونوش کی قیمتیں نیچے آئیں گی۔

موجودہ حکومت کو نئے سال 2025 کے دوران معیشت پر اپنی توجہ زیادہ مرکوز کرنا ہوگی جس کا براہ راست فائدہ عام لوگوں تک پہنچ سکے جبکہ بزنس کمیونٹی کے جو تحفظات معاشی پالیسیوں پر ہیں انہیں مل بیٹھ کر حل کرنے کی ضرورت ہے تاکہ تاجروں کی اعتماد سازی کے ساتھ معاشی پالیسیوں کو ترتیب دیا جاسکے۔

2024ء کا سال ملک میں سیاسی و معاشی چیلنجز کا رہا جبکہ دہشتگردی کے واقعات بھی زیادہ رپورٹ ہوئے۔8 فروری 2024 کے عام انتخابات کے نتائج پر سیاسی جماعتوں کی جانب سے تحفظات کا اظہار کیا گیا۔ پی ٹی آئی کی جانب سے مسلسل احتجاج کیا گیا، 9 مئی اور 26 نومبر کے احتجاجی مظاہروں نے ملکی سیاسی ماحول اور امن و امان پر انتہائی منفی اثرات مرتب کئے۔