کوئٹہ: انسپکٹر جنرل پولیس بلوچستان احسن محبوب نے کہا ہے کہ دہشتگردی سے نبرد آزما ہو نے کیلئے بلوچستا ن پولیس کے جوانوں کو جدید خطوط پر تربیت دی جا رہی ہے ماضی میں جدید تربیتی عمل کے بغیر جوانوں کو دہشتگردی سے نمٹنے کیلئے میدان عمل میں جھونک دیا گیا جس کے منفی اثرات سامنے آئے تاہم اب پاک فوج اور ایف سی کے تعاون سے بلوچستان پولیس کے جوانوں کو جدید پیشہ وارانہ تربیت دی جا رہی ہے جس کے نمایاں اثرات مرتب ہو رہے ہیں اور صوبے بھر میں امن وامان کی صورتحال بتدریج بہتری کی جانب گامزن ہے ان خیالات کا اظہار انہوں نے بدھ کو پولیس ٹریننگ کالج سریاب کوئٹہ میں83 پولیس پاسنگ آؤٹ پریڈ کی اختتامی تقریب سے بحیثیت مہمان خاص خطاب کر تے ہوئے کہی اس موقع پر ایڈیشنل آئی جیز محمد ایوب قریشی، ڈاکٹر مجیب الرحمان، کمانڈنٹ پی ٹی سی کیپٹن(ر)محمد طاہر نوید، ڈی جی نیب میجر (ر)طاہر محمود ملک، کلکٹر کسٹم ڈاکٹر سعید خان جدون، اے این ایف کے بریگیڈیئر بلال، ڈی آئی جی اسپیشل برانچ عبدلرزاق چیمہ سینئر پولیس افسران حامد شکیل ،ظہور احمد آفریدی ،آغا عیسیٰ جان ، طاہر علاؤ الدین سمیت دیگر پولیس وسول افسران موجود تھے آئی جی پولیس بلوچستان نے کہا ہے کہ اچھے پولیس افسران کی پیشہ وارانہ زندگی میں تربیت اور جذبہ اہم کردار ادا کر تے ہیں انہوں نے بلوچستان پولیس کو درپیش مسائل اور مشکلات میں سب سے بڑا مسئلہ جوانوں کی جدید خطوط پر تربیت کا تھا جن کی وجہ سے دہشتگردی کے مسائل سامنے آئے تو پولیس کے جوانوں اس سے نبر د آزما ہونے کیلئے تیار نہیں تھے ہم نے تربیت کے بنیادی مسائل کو ترجیح دی اور بلوچستان پولیس کے تربیتی عمل کو جدید خطوط پر استوار کیا گیا اور گزشتہ تین سالوں کے دوران دہشتگردی سے نمٹنے کیلئے کمانڈر سدرن کمانڈ اور آئی جی ایف سی کے تعاون سے جوانوں کو موجودہ دور کے درپیش چیلنجز سے نبرد آزما ہونے کیلئے تیار کیا گیا انہوں نے کہا کہ مجھے اس بات پر فخر ہے کہ میں شہداء اور37 ہزار پولیس جوانوں کا سربراہ وامین ہوں اور ہمیں اپنے شہداء کی قربانیوں پر فخر ہے یہ قربانیاں رائیگاں نہیں جائیں گی انہوں نے کہا کہ ماضی میں جدید تربیت کا عمل نہ ہو نے کی وجہ سے پولیس کے جوان دہشتگردانہ کا رروائیوں میں سافٹ ٹارگٹ تھے تاہم اب ایسا نہیں صورتحال میں نمایاں بہتری آئی ہے جو حوصلہ افزاء عمل ہے انہوں نے کہا کہ دہشتگردی کے عفریت سے نمٹنے کیلئے بلوچستان پولیس کا علیحدہ سے انسداد دہشتگردی ڈیپارٹمنٹ قائم کیا گیا ہے جو فعال وموثر کردار ادا کر رہا ہے انہوں نے کہا کہ تربیت کے جدید عمل کے تسلسل سے آنیوالے وقت میں پولیس کی کارکردگی میں مزید بہتری آئیگی۔
