نیو یارک : امریکی گلوکارہ کرسٹینا گریمی کو نامعلوم شخص نے گولی مار کر ہلاک کر دیا ، حملہ آور نے خود کو بھی گولی مار لی ۔
گلوکارہ کرسٹینا گریمی آرلینڈو میں کنسرٹ کے دوران مداحوں کو آٹوگراف دے رہی تھیں کہ ایک شخص نے ان پر فائرنگ کر دی اورخود کو بھی گولی مار لی ۔
بائیس سالہ گلوکارہ مقامی ہسپتال میں زخموں کی تاب نہ لاتے ہوئے ہلاک ہو گئیں ۔ گلوکارہ نے ٹویٹر پر مداحوں کو اس شو میں شرکت کی دعوت دی تھی ۔
گریمی نے دو ہزار چودہ میں امریکا میں ہونے والے دی وائس شو میں تیسری پوزیشن حاصل کی تھی ۔
حکام کی طرف سے حملہ آور کا نام ظاہر نہیں کیا گیا ۔ تاہم پولیس نے تفتیش شروع کر دی ہے ۔
گریمی کی موت پر مداح سماجی میڈیا پر اپنے غصے کا اظہار کر رہے ہیں ۔
