لکھنو: بھارتی وزیراعظم نریندر مودی نے کہا ہے کہ ہم دہشتگردوں کوپناہ دینے اور ان کی حمایت کرنے والوں کو اب نہیں چھوڑیں گے ، دہشتگردی کی کوئی سرحد نہیں اور اس کے خلاف جنگ متحد ہو کر لڑنی چاہیے ، دہشت گردی کو جڑ سے ختم کرنے کا وقت آگیا ہے۔ وہ منگل کو عیش باغ گرا?نڈ میں دوسہراکی تقریبات کے سلسلے میں عوامی ریلی سے خطاب کر رہے تھے ، نریندر مودی نے کہا کہ دہشت گردی انسانیت کی دشمن ہے اور اس کے خلاف تمام ممالک کو متحد ہونے کی ضرورت ہے ، اب وقت آگیا ہے کہ دہشت گردی کو جڑ سے ختم کریں، دہشت گردی کے خلاف جنگ میں ان کو بھی نہیں بخشا جا سکتا جو دہشت گردی کی حمایت اور اسے پناہ دیتے ہیں۔بھارتی وزیراعظم نے کہا کہ دہشت گردی کی کوئی سرحد نہیں اور اسے ختم کئے بغیر دنیا میں امن نہیں ہو سکتا۔انہوں نے پاکستان کا نام لئے بغیر اس کی طرف اشار ہ کرتے ہوئے ہرزہ سرائی کی کہ ہم دہشتگردوں کوپناہ دینے اور ان کی حمایت کرنے والوں کو نہیں چھوڑیں گے۔ انہوں نے کہاکہ بھارت جنگ سے امن کے راستے کا خواہا ں ہے۔مودی نے کہاکہ دہشگردی انسانیت کی دشمن ہے اور اس کوختم کئے بغیر انسانیت کا تحفظ یقینی نہیں بنایا جاسکتا۔بھارتی میڈیا کے مطابق مودی نے نہ تو کشیدگی کے بعد اپنے خطاب میں پاکستان کا نام لیا اور نہ ہی سرجیکل سٹرائیک ، اڑی حملے اور اس پر بھارتی جواب کا کوئی تذکرہ کیا۔یہ صرف 26/11 کے بعد تھا جب ممبئی پر دہشتگردوں نے حملہ کردیا تھا اس وقت دنیا دہشتگردی کے خلاف جاگی تھی۔1992۔93میں ،میں نے امریکی وزیر خارجہ سے ملک میں بڑھتی دہشتگردی کے حوالے سے بات کی تو انہوں نے کہاکہ یہ امن و امان کی صورتحال ہے نہ کہ دہشتگردی ، تاہم ممبئی حملوں کے بعد دنیا جان گئی کہ دہشتگردی کیاہوتی ہے۔دہشتگردوں کے ہاتھوں معصوم لوگوں کو مرتا دیکھ کر بہت دل دکھ رہاتھا دہشتگرد ی کے خاتمے کے لئے تمام انسانی قوتوں کواکٹھاہونا چاہئے اس کے بغیر بہتر مستقبل کی کوئی امید نہیں۔آج دہشتگردی ایک تھیم ، اور انسانیت کے خلاف برائی ہے۔ واضح رہے کہ بھارتی وزیراعظم مبینہ سرجیکل اسٹرائیک کے دعوے کے بعدپہلی مرتبہ عوام میں آئے ہیں اور انہوں نے کسی عوامی اجتماع سے خطاب کیاہے۔
