نمدی ءِ سر بوگءَ گوں لہتیں روچءِ پیسرات کہ معاش (پگار ) سد در سد،وراک، 3 بیلءَ کار ھپتگئے دو ( 2) روچ پنچ شمبے ءْ جمعہ ءَ چٹھی ءِ بنا بوت انت۔ 1975 ءَ دگراسکواڈرنءِ اڑ کنگءِ بابتءَ من ءَ چہ نارَھرن اسکواڈرنءَ بدل (ٹرانسفر) کت ءْ ساؤتھرن عمانءَ روان دئیگ بوت۔بلے اش وھدءَ منی سیمی پروموشن بوتگ ات۔بلے ھما پیرینان یکے چہ من سینئر کتگ ات اش۔ھمے سالءَ منیوسرک یارمحمد گڈی آشوپءِ نیامءَ کہ میجر خدابخش ءِ سرءَ ناگتی باٹ (بی ٹی ٹی ، برِٹش ٹِرینگ ٹیم)مارٹرگواری کنت جنگ بوت۔ ھمے نسبتءَ من ءْ گوںآفیسرکمانڈنگءِ پہ ھونی زر کہ بنجہگیرءَ (ھیڈکواٹرز)شہیدءِ وارسان دئیگ ءِ جار َ گون راہ داتگت انت دست ءَ کنگے واستہ سرجنگءَ ات، من نوک اتکگ اتاں کپٹن (میجر صالح ھدامرزی )اش وھدءَ اسکوارڈن ءِ سیکنڈ کمانڈ ات۔ چہ میجرءَ زرت ءْ دستےءِ کتْ انت۔بلے انگریز میجر نوک اتکگ ات منی بابت ءَ ھما پنجاپیءِ سل سلین دروگ بست ءْ پدءَ منی بدل ءَ ہیئدکوارٹر کنگ بوت۔مینجر صالح محمد رضائی ئے بابتءَ لہتین گپ: ھدامرزی میجر (رائد تقاد) صالح محمد 1959 ءَ کمین رندترءَ سلطان سعیدبن تیعمور السعیدءِ نوبتءَ کہ گوادر پاکستان ھوالہ کنگ بوت ھماجارکہ چہ سلطانءِ نیمگءَ پرینگ بوتگ کہ گوادر ءِ مہلوک اگان مسقط سرکار ءِ منوک ءْ مسقطءَ آھگ لوٹنت گڑاوڑے نا وڑےءَ وتا مسقطءَ برسین انت۔ میجر صالح محمدءِ بابت من ءَ گپ الم یات آھگءَ نہ ینت کہ ہمے وہد ءَ گون مسقطءَ درکپت کہ رند ءَ ۔کم ءْ گیش من واجہ میجرءَ گون یک ءْ دوسالء کار کتگ ءْ درھیں ڈاکومنٹس منی دست بوتگ انت بلے منیگوچل ءِ سوبءَ اچ گیر آھگءَ نئنت۔ بلے ادا اش گپ پچدر کنگی انت کہ گوادرءِ بابتءَ کلانئین داسپاندان ء تاریخ بلوچ و بلوچستان ءِ نبشتہ کار میر نصیرخان احمدزئی (کمبرانی) وتی برزءِ نبشتہ کتگین کتابءِ پنچمی بہرءِ سہ سد ءْ ھپتاد ءْ دومی( 372 ) تاکدیمءَ نبشتہ کنت کہ ” ھپدہ سدھشتادءْ سہ سید سلطان مسقطءِ والی چہ وتی براتءَ چہ پرْوش ورگءَ پد بلوچسانءِ نیمگءَ جِست ءْ اتک ءْ میر نصیر خانءِ دربارءَ کمک کنگءَ واستہ دسبندی کت ئےِ بلے آئیءَ لشکر دئیگ ءْ روان دئیگءَ چہ گوادر سال ءِ کٹء نیم کہ آروچاں کمْ گیش سہ سد ( 300 ) ڈالر بوت۔ سلطانءَ ھرچ ءُُ ھراج ءِ واستہ دات۔ آوھدءَ گوادر ءِ سرجمین کٹ ھپت سد ( 700 )ڈالر بوتگ چہ اشان چارسد ( 400 ) ڈالر خان قلاتءْ سہ سد( 300 ) ڈالر گچکیانءَ رستگ۔ گودرءِ ھاکمی امیرءِ بلوچسان ء ءِ دست ءَ بوتگ پہ ھمے سوبءَ سد ؛(100 ) ڈالر گیشین پہ ایمنی ءْ ا ندگر بندءْ بستانی کردءِ دیگ بوتگ۔آِاِش درگتءَ داسپاناں مکران گیٹیئر ھوالہءَ میر مزار میروانی سکنہ مالارءِ نمدیءِ بابتءَ ھم نبشتہ کتگ۔ ھمے وڑا آھانی قول ءْ عہدانی ردءَ کہ” سلطان السعید مشقطءِ واتر بوگءَ گون گوادرءَ پدا بلوچ سرکارءَ بدنت۔بلے چوش نبوتگ ءْ مسقطءِ سلطانءَ واتر بوگءَ رند ھم گوادر واتر کنگ نہ بوتگ۔اشی ءِ سوب زانگ نبیت پرچہ کہ مسقطءِ داسپانداناں وتی داسپانانی کتاباں گوادرءِ السعیدانی مفتوحہ دمگ نبشبتہ کتگ ءْ گشنت کہ ھبدہ سد ھشتادسیہ ( 1783 ) عمانی آپی لشکرءَ سلطان قابوس بن سعید آل سعید ءِ بن پیرک سلطان ءَ گوادر سرء اْرش کتگ ءْ اش فتح کتگ۔ من اش درگتءِ عمانی داسپانی کتاب ونتگ انت۔بلے منی گورءَ نیست انت چمیشکء چہ وانوکاں پہلی لوٹییں پرچہ کہ دیرین وھدے منی اش نبشتانک ءِ اش مول نئنت۔رائد صالح محمد وتی کرِد (سگنل اپسرءِ ) پہ درھیں زِیر دستان عزت دار بوتگ۔َ میجر صالح محمدءَ وتی دورءَ اچ اپسر اچ سپاہی نہ جنجال کتگ ءْ نکہ اچ وڑین گپءِ سوبءَ گون آئیءَ اڑے تگ گوں۔ اگاں اِچ گپئے سرءَ نہ ا وش بوتگ گڈا الم آئیءَ چو پت ءْ چکی سرپدی داتگ ات۔ مدام کستر ینانی بیرک ءُُ کمرھان شتگ ءُُ آھانانءَ ھال ءْ اھوالے گپتگءِ ۔ سکین نرم گپی گوں ھبرءِ کتگ۔ وتی کارءِ بزاں سگنل(اشارہکاری) ءِ مستریں زانتکاراں یکے بوتگ۔ کسءَ نہ دل آزار بوتگ کسے چہ آئیءَ نہ وش بوتگ۔ نودہ سدھشتاد ءْ ھشتءِ تقادءَ پیش سلطنت عمان ءِ وطنی بوتگ۔ بزاں جوازءِ سپر دئیگ بوتگ۔تقادءِ لہتن سالءَ پد دلءِ جنجال ءَ گون مسقطءَ وفات بوت۔ اللہ تبارک تعالی جنت فردوسءَ برزترین جائےِ بدنت۔ آمین ثمءَ آمین۔نوزدہ سد ھپتادءُُ دو ءِ نوبتْ (1972) ءَ یک ءْ دومی پجارْکی رِچ ءَ منی ءْ میجر (تقاد) محمد علی ملا عثمان شیہد ء مدام بیگہان دیوان بوت ھمروچ نا بلے ھپتگءَ دو ھپتگءِ پد کہ آئی ءِ دگر سیاد ءْ سنگتیءِ مہمانے آھگ ءْ وش اھت ءُُ سلام علیکی ءِ ھاِترءَ توار پرجَنگ نندءْ نیاد یا گوں آھانی ساھت ءُُ نیم ساھت گوازینگ ءْ وھدءِ دیماتیلانک دئیگءِ منا توار پرینتگ اِش۔ میجر محمد علی شہیدءِ باروا چو گشگ بیت کہ نوزدہ سد ءْ ھپتادءْ شش ءِ نوبتءَ محمد اسلم گِچکی کہ ساریترءَ کْہگران چہ واتر بوت۔ اش زانگی انت نیپ نیشنل عوامی پارٹی کہ نوزدہ سد ھپتاد ءَ بلوچستان ءِ سرکارپروشت۔ْ ذولفقار علی بھٹو ءِ سرکارءِ دورءَ گسءَ راہدیگ بوت ءْ درھیں بلوچ بومیا دستگیر کتءْ جولان جتا کنت گْڑا اش درگتءَ بلوچ مھلوک ( پوہ گپتین) ءَ پشتگردء وتی کچْوءْ لْچک گون توپک ْٗ امیلان کوھگراں درکپت انت۔تنکہ ضیاءَِ کْل پہلیءَ برزیں کلاتانی گَٹ ءْ گراں ایر اتک انت ۔ھمے نوبتءَ واجہ شہید رائد ءِ گسءَ لہتں روچاں ھما دمگءِ تَر ءْ گردِ وھداں مہمان بوت۔رائدءِ مہماں مئے سرجمیں سنگتانی مہمان۔ چمیشکءَ تانکہ آ ھموْدات درھیں سنگت بیگہءِ بیلءَ اتک ءُُ نندْ دیوان کت اش۔ھدا مرزی گچکی شہید وتی درپہ دری بزگی گپ وتران کْتنت ءْ سنگتاں گوں دلگوشیءَ اشکتنت۔َاِدءَ اِشگپ پہ وانوکانی واستہ یک زانتکاری پولے کہ اش دمگءِ بلوچ مہلوکءِ بابتءَ درشانیں تران کہ بالادی ءْ جذباتی سرداراں ایوبی آمریت ء بھٹو رحیمءِ دور ءْ نوبتءَ کہ مکرانءِ مہلوک مئے گہارانت غیر منطقی لیکہ یے بوتگ۔ وتی ذاتءِ ھاترءَ کلیں بلوچاں مانشرِدینگ یک انت،یک انچیں لیکہے کہ” انچوش کہ منی پشک درتگ شے بھِنگائی شلوار درِات گوں” اش المءَ زانگی انت کہ شے بِھنگءَ چوشیں نابلدے نہ انت ” آپءَ مگِندیت ءْ شلوارءَ بکِشیت۔مئے راجءِ لہتیں انچییں دلبریں نابزانتی کہ آھاں دیمءَ آرگ ءْ پیشدارگی انت تنکہ اش ویل یلوْ کنگ ءُُ ویل کنگ بنت۔ اش ویلانی مسترین ویل وت شناسیءْ وتساچی انت۔دومی من نکْشتگ ھلار نہ انت۔ گپ ئےِ نہ زرتگ گڑا کشگی اِنت شَرشِر ھؤ بکن۔ اش درسانی بن روتگ ” منی پاگءِ بْل انت” کہ انگریزیءَ “ایگو ” گوشگ بیت۔منا گپ جنگی اِنت آ چْش انت کہ بنی آدم الم پو بیت۔
