کوئٹہ : کوئٹہ پریس کلب کے زیر اہتمام کوئٹہ میں صحافیوں نے بسنت میلہ منایا صحافیوں اور ان کے بچوں کی بڑی تعداد نے بسنت میلہ میں شرکت کے پروگرام کو مزید خوبصورت بنایا اور اس موقع پر’’ پشتو اتنڑ اور بلوچی چاپ ‘‘ بھی کیا گیا ۔

تفصیلات کے مطابق کوئٹہ پریس کلب میں اتوار کو بسنت میلہ انتہائی جوش وخروش کیساتھ منائی گئی اس موقع پر صحافیوں کی بڑی تعداد نے شرکت کی اور صحافیوں کیساتھ ساتھ ان کے بچوں نے بھی بسنت میلے سے لطف اندوز ہوئے اس موقع پر صحافیوں نے پشتو اتنڑ اور بلوچی چاپ بھی کیا جس سے صحافی خوش نظر آنے لگے اس موقع پر کھانے کا بھی بندوبست کیا گیا تھا ۔

اس موقع پر کوئٹہ پریس کلب کے صدر رضا الرحمان نے کہا ہے کہ اس طرح پروگرام سے صحافیوں میں ذہنی تھکاوٹ ختم ہو جاتی ہے اور صحافیوں کی اس طرح مواقع دیئے جاتے ہیں تاکہ وہ بھی دیگر معاملات کیساتھ ساتھ تفریحی بھی کریں کیونکہ آئے روز ٹارگٹ کلنگ اور دیگر واقعات سے صحافی ذہنی تھکاوٹ کا شکار ہو جاتے ہیں ۔