کراچی: پاکستان پیٹرولئیم لمیٹڈ ، جوکوٹری بلاک(2468-12) کی مکمل ملکیت کے ساتھ آپریٹر ہے ، نے ضلع سجاول ،سند ھ میں واقع دریافتی کنوئیں یسرX-1 سے گیس اور کنڈنسیٹ کی دریافت کا اعلان کردیا ہے ۔

یسرX-1 کی کھدائی کا آغاز22 جون2018 کو ہوا جسے 10 جولائی 2018 کو2720 میٹرزکی حتمی گہرائی تک پہنچایا گیا ۔ وائر لائن لوگز ا ورکھدائی کے نتائج سے ہائیڈرو کاربن کے حامل ممکنہ زون کی نشاندہی ہوئی،جن کی جانچ جاری ہے۔ 

لوور گوروفارمیشن کی اپر سینڈ میں ابتدائی جانچ کے دوران 32/64 انچ چوک سائزپریومیہ3.2 ایم ایم ایس سی ایف گیس اور یومیہ475 بیرل کنڈنسیٹ حاصل ہوئے۔جس سے یسرX-1 سے ہائیڈرو کاربن کی تجارتی مقدار کی تصدیق ہوئی۔ 

کنوئیں سے گیس کے بہاؤ کی رفتار کا تعین کرنے کے لئے مختلف چوک سائزوں پر اس سے( گیس و کنڈنسیٹ) بہاؤ حاصل کیا جارہا ہے۔ جبکہ کنوئیں سے پیداوار کے حصول کی اصل صلاحیت کا تعین جانچ کے مکمل ہونے کے بعد کیا جائے گا۔