لاہور :  وزیراعلیٰ پنجاب عثمان بزدار نے کہا ہے کہ بلوچستان کے عوام کیلئے پنجاب حکومت کوئٹہ میں کارڈیک سینٹر بنائے گی اوریہ کارڈیک سینٹر پنجاب حکومت کا بلوچستان کے عوام کیلئے خیر سگالی کا تحفہ ہوگا۔

انہوں نے کہا کہ کارڈیک سینٹرکی تعمیر کیلئے وسائل ترجیحی بنیادوں پر فراہم کریں گے۔کارڈیک سینٹر بلوچستان کے بھائیو ں کیلئے پنجاب کا پیغام محبت ہے ۔وزیراعلیٰ نے کہا کہ پنجاب اوربلوچستان کے لوگ محبت کی کڑی سے جڑے ہیں ۔ترقی کے سفر میں سب کو ساتھ لے کر چلیں گے۔

وزیراعلیٰ کی ہدایت پر پنجاب کے محکمہ صحت کے حکام نے گزشتہ دنوں کوئٹہ کا دورہ کیا اورمحکمہ صحت پنجاب کے حکام نے کوئٹہ میں کارڈیک سینٹر کی تعمیر کیلئے قطعہ اراضی کے مختلف مقامات دیکھے۔وزیراعلیٰ نے کارڈیک سینٹر کی تعمیر کے منصوبے کے لئے ضروری اقدامات جلد مکمل کرنے کی ہدایت کی۔