پاکستان پیپلز پارٹی کے رہنما اور رکن سندھ اسمبلی شرجیل انعام میمن کا کورونا ٹیسٹ بھی مثبت آ گیا۔
شرجیل میمن نے گفتگو کرتے ہوئے کورونا ٹیسٹ مثبت آنے کی تصدیق کی ہے اور بتایا ہے کہ انہوں نے ٹیسٹ مثبت آنے پر سیلف آئسولیشن یعنی تنہائی اختیار کر لی ہے۔
یاد رہے کہ پاکستان میں کورونا کی دوسری لہر کے دوران کیسز مثبت آنے کی شرح 7 فیصد سے بھی تجاوز کرگئی۔
قبل ازیں وزیراعلیٰ سندھ مراد علی شاہ کا کورونا ٹیسٹ مثبت آنے کی تصدیق ہوئی تھی۔
ٹوئٹر پر جاری بیان میں مراد علی شاہ کا کہنا تھا کہ جمعہ کے دن ہلکا بخار محسوس ہوا تھا جس کے بعد کورونا کا ٹیسٹ کرایا تو نتیجہ مثبت آیا ہے۔