جنوبی افریقا کی کرکٹ ٹیم جنوری میں پاکستان کا دورہ کرے گی، اس دورے کو حتمی دے دی گئی ہے۔
اس حوالے سے ذرائع نے بتایا کہ جنوبی افریقی ٹیم جنوری کے تیسرے ہفتے میں پاکستان آئے گی۔
مہمان ٹیم اپنے دورے میں دو ٹیسٹ میچز اور 3 ٹی ٹوئنٹی میچز کھیلے گی۔
ذرائع نے بتایا کہ سیریز کے میچز لاہور، کراچی اور راولپنڈی میں کھیلے جائیں گے۔
ذرائع کا کہنا تھا کہ کرکٹ جنوبی افریقا کی مصروفیات کے باعث سیریز کے شیڈول کا اعلان نہیں ہوسکا۔
کرکٹ ساؤتھ افریقا انگلینڈ کے خلاف سیریز میں معاملات میں مصروف ہے۔
ذرائع نے بتایا کہ جنوبی افریقا کرکٹ ٹیم کے دورہ پاکستان کا اعلان رواں ہفتے کے شروع میں متوقع تھا۔