اسٹار فٹبالر کرسٹیانو رونالڈو نے امید ظاہر کی ہے کہ کورونا پابندیوں سے متعلق حالات جلد بدل جائیں گے لیکن تب تک کھیلوں کو جاری رہنا چاہیے۔
کرسٹیانو رونالڈو نے اپنے سوشل میڈیا اکاؤنٹس پر پیغام میں لکھا کہ ہم سب نے اسٹیڈیمز میں مداحوں کی کمی محسوس کی، امید ہے چیزیں بہت جلد بدل جائیں گی۔ اسٹار فٹبالر کے اکاؤنٹس پر ان کے پیغام کو ہزاروں لوگوں نے پسند کیا۔
واضح رہے کہ کورونا پابندیوں کی وجہ سے کھیلوں کے مقابلوں میں شائقین کا اسٹیڈیمز میں آنا منع ہے۔
یاد رہے کہ کرسٹیانو رونالڈو کے دو گولز کی مدد سے اطالوی کلب یووینٹس نے یوئیفا چیمپئنز لیگ میں لیونل میسی کی بارسلونا کو تین صفر سے ہرا دیا۔ اس فتح کے بعد یووینٹس نے گروپ جی میں ٹاپ پوزیشن حاصل کرلی ہے۔