پسنی: چیف سیکرٹری بلوچستان اور پلاننگ کمیشن کے وفد کا دورہ پسنی ایک بار پھر ملتوی کردیا گیاتفصیلات کے مطابق ایم این اے محمد اسلم بھوتانی کی گزارشات پر وزیراعظم پاکستان عمران خان نے پسنی جیٹی سے متعلق وفد کو پسنی کا دورہ کرنے اور عوام سے براہ راست بات چیت کرنے کا حکم دیا تھا وفد جو آج کے دن پسنی آنے والا تھا رات کو اچانک پروگرام منسوخ کردیا گیا اور کل بروز اتوار پروگرام کا دن رکھا گیا تھا لیکن آج دوبارہ یہ پروگرام منسوخ کردیا گیا۔واضح رہے کہ آج بروز اتوار کو ایم این اے محمد اسلم بھوتانی بھی پسنی آرہے ہیں۔پروگرام کے منسوخ ہونے پر ماہی گیروں میں مایوسی پھیل گئی ہے ان کا کہنا ہے کہ پسنی جیٹی پر سیاست کسی بھی طرح قابل قبول نہیں ہے۔