طانیہ کے چیف آف ڈیفنس اسٹاف جنرل سرنک کارٹر نے کہا ہے کہ دنیا کو صبر کے ساتھ یہ دیکھنا ہوگا کہ طالبان کی حکومت میں افغانستان کا مستقبل کیسا ہوگا۔ 

برطانوی میڈیا سے گفتگو کرتے ہوئے جنرل سرنک کارٹر نے کہا کہ مجھے لگتا ہے کہ ہمیں صبر سے کام لینا پڑے گا۔ ہم نے طالبان سے گذشتہ 24 گھنٹوں میں بہت کچھ سنا ہے۔ 

جنرل سرنک کارٹر نے مزید کہا کہ یہ بھی ہو سکتا ہے کہ موجودہ طالبان 1990 کی دہائی کے طالبان سے مختلف ہوں۔ اور یہ طالبان زیادہ معقول اور کم رجعت پسند ہوں۔ 

انہوں نے کہا کہ آپ دیکھیں طالبان کابل کو کیسے چلا رہے ہیں، کچھ اشارے موجود ہیں کہ یہ زیادہ معقول ہیں۔ یہ بھی ہوسکتا ہے کہ طالبان نے 20 سالوں میں ویسے ہی سیکھا ہو جیسے ہم نے سیکھا ہے۔