مستونگ:کوئٹہ کراچی شاہراھ پر مسافر کوچ تیزرفتاری کے باعث الٹ جا نے سے دو افراد جاں بحق خواتین اور بچوں سمیت 16افراد زخمی ہو گئے۔

تفصیلات کے مطابق منگل کی اعلی الصبح قومی شاہراھ پر کھڈکوچہ کے علاقے میں ریکی بوز کے مقام پر کراچی سے کوئٹہ جانیوالی الامداد مسافر کوچ تیز رفتار کی باعث الٹ جا نے سے عبدالرسول ولد حاجی قربان،بی بی تانیہ ولد عبدالنافع جاں بحق جبکہ موسی کلیم ولد رحیم خان،عبدالسلام،عائشہ ،نامعلوم ،عرفان ولد غلام نبی ،غلام فاروق ولد غلام حیدر،مبارک علی ،قربان ولد رمضان قوم۔ہزارہ سکنہ مری آباد ،عبدالعلیم ولد خدائے نظر قوم۔ازبک، نایاب ولد قربان علی قوم ہزارہ ، بی بی ثریا ولد قربان علی قوم ہزارہ،حاجی محمد نبی ولد حاجی عبدالروف، سید الیاس،بی بی کریمہ ولد شیر علی،سید محمد ولد شیر علی محمد عاصم ولد امان اللہ زخمی ہو گئے

لیویز نے لاشوں او رزخمیوں کو فوری طورپر ہسپتال منتقل کر دیا جہاں ضر وری کاروائی کے بعد لاشیں ورثاء کے حوالے کر دی گئیں جبکہ زخمیوں کو ابتدائی طبی امداد دینے کے بعد مزید علاج کے لئے کوئٹہ منتقل کر دیا گیا۔