اسٹیٹ بینک آف پاکستان نے درآمدی ڈالر ادائیگیوں کی نگرانی سخت کر دی ہے۔مرکزی بینک نے کمرشل بینکوں کو احکامات جاری کیے ہیں کہ 5 لاکھ ڈالر سے زائد درآمدی ادائیگی کی تفصیلات اسٹیٹ بینک کو جمع کروائی جائیں۔

اس سے پہلے کمرشل بینک 10 لاکھ ڈالر یا اس سے زائد مالیت کی درآمدی ادائیگی کی تفصیلات مرکزی بینک کو جمع کروانے کے پابند تھے۔

اس کے علاوہ مرکزی بینک نے بینکوں کو 5 روز میں کی جانے والی درآمدی ادائیگیوں کی تفصیلات جمع کروانے کے احکامات بھی دیے ہیں۔

اس سے پہلے بینکوں کو 2 روز میں کی جانے والی ادائیگیوں کی تفصیلات جمع کروانا ہوتی تھیں۔

ماہرین کے مطابق اسٹیٹ بینک کے اقدامات کا مقصد درآمدی نمو کو قابو کرنا ہے۔