پاکستان میں امریکی ناظم الامور اینجیلا ایگلر نے آرمی چیف جنرل قمر جاوید باجوہ سے ملاقات کی اور باہمی دلچسپی کے امور پر تبادلہ خیال کیا۔
انٹرسروسز پبلک ریلیشنز (آئی ایس پی آر) کے مطابق ملاقات میں دو طرفہ تعاون ، افغانستان کی صورت حال اور موجودہ سکیورٹی کی صورت حال پر تبادلہ خیال کیا گیا۔
آئی ایس پی آر کے مطابق آرمی چیف نےکہا کہ افغانستان میں انسانی بحران سے بچاؤ کے لیے دنیا کردار ادا کرے۔
آرمی چیف کا مزید کہنا تھا کہ پاکستان امریکا کے ساتھ دیرپا، مستحکم تعلقات اور روایتی باہمی رابطوں کا خواہاں ہے۔