نیپرا نے کے الیکٹرک اوربجلی تقسیم کارکمپنیوں کی فیول پرائس ایڈجسٹمنٹ کی منظوری دیدی۔
نیشنل الیکٹرک پاور ریگولیٹری اتھارٹی (نیپرا) کی منظوری کے بعد کراچی میں ماہانہ فیول ایڈجسٹمنٹ کی مد میں بجلی کی قیمت فی یونٹ 4 روپے 83 پیسے اور باقی ملک میں فی یونٹ 2 روپے 87 پیسے اضافے کا خدشہ ہے۔
چیئرمین نیپرا کا کہنا ہے کہ ابھی ایک تخمینہ بتایا ہے کہاں تک اضافہ ہو سکتا ہے، اتھارٹی ڈیٹا کی مزید جانچ پڑتال کے بعد اپنا تفصیلی فیصلہ جاری کرےگی جب کہ اضافے کا اطلاق صرف ایک مہینے کے لیے ہوگا۔