پاکستان کرکٹ بورڈ نے دورہ نیدرلینڈ اور ایشیا کپ کے لیے قومی اسکواڈز کا اعلان کردیا ہے۔

نیدرلینڈز کے خلاف 3 ون ڈے انٹرنیشنل میچز کے لیے 16 کھلاڑیوں کا انتخاب کیا گیا ہے جبکہ اے سی سی ٹی 20 ایشیا کپ کے لیے 15 کھلاڑیوں کا اعلان کیا گیا۔

حسن علی کو دونوں ٹورز سے آرام دیا گیا ہے جب کہ نسیم شاہ کو قومی اسکواڈز میں شامل کرلیا گیا ہے۔

کپتان بابر اعظم، نائب کپتان شاداب خان، عبداللہ شفیق، فخر زمان اور حارث رؤف قومی ون ڈے انٹرنیشنل اسکواڈ میں شامل ہیں۔

امام الحق، خوشدل شاہ، محمد حارث، محمد نواز، محمد رضوان اور محمد وسیم جونیئر بھی دورہ نیدرلینڈ کا حصہ ہوں گے۔

نسیم شاہ، سلمان علی آغا، شاہین شاہ آفریدی،شاہنواز دھانی اور زاہد محمود بھی قومی ون ڈے انٹرنیشنل اسکواڈ کا حصہ ہین۔

اے سی سی ٹی 20 ایشیا کپ کے لیے اعلان کردہ اسکواڈ کی قیادت بھی بابر اعظم کریں گے۔ نائب کپتان شاداب خان، آصف علی، فخر زمان، حیدر علی، حارث رؤف اور افتخار احمد قومی ٹی 20 اسکواڈ کا حصہ ہوں گے۔

خوشدل شاہ، محمد نواز، محمد رضوان، محمد وسیم جونیئر اور نسیم شاہ بھی قومی ٹی 20 اسکواڈ میں شامل کئے گئے ہیں۔

شاہین شاہ آفریدی، شاہنواز دھانی اور عثمان قادر بھی ایشیا کپ کے لیے اعلان کردہ اسکواڈ میں شامل ہیں۔

منصور رانا ٹیم منیجر، ثقلین مشتاق ہیڈ کوچ، محمد یوسف بیٹنگ کوچ اور شان ٹیٹ باؤلنگ کوچ کی ذمہ داریاں نبھائیں گے۔

فیلڈنگ کوچ عبدالمجید، اسسٹنٹ ٹو ہیڈ کوچ شاہد اسلم، میڈیا اینڈ ڈیجیٹل منیجرابراہیم بادیس اور ٹرینر ڈریکس سائمن بھی سپورٹ اسٹاف کا حصہ ہیں۔

فزیو تھراپسٹ کلف ڈیکن، ٹیم اینالسٹ طلحہ اعجاز، مساجر ملنگ علی اورڈاکٹر نجیب اللہ سومرو بھی اسٹاف میں شامل ہیں۔

کرنل (ر) آصف محمود دورہ نیدرلینڈ جبکہ کرنل (ر) محمد عمران اے سی سی ٹی 20 ایشیا کپ میں ٹیم کے سیکیورٹی منیجر ہوں گے۔