اگرچہ گانے میں عرب ڈانسرز کو بولڈ لباس میں دکھایا گیا ہے، تاہم کسی بھی ڈانسر کو مختصر لباس میں نہیں دکھایا گیا۔

گانے کی موسیقی اور دھن کو سنتے ہی شائقین نے اس کی تعریفیں کیں اور چند ہی گھنٹوں میں اسے یوٹیوب پر ہزاروں مرتبہ دیکھا گیا۔

گانے میں عرب ڈانسرز کو مرد ڈانسرز کے ساتھ بھی پرفارمنس کرتے ہوئے دکھایا گیا ہے۔

خیال رہے کہ فیفا ورلڈ کپ کا آغاز آئندہ ماہ 20 نومبر سے خلیجی ملک قطر میں ہوگا اور عالمی کپ ایک ماہ تک جاری رہے گا۔

فٹ بال میں دنیا بھر کی 32 ٹیمیں شامل ہیں اور میزبان ملک قطر بھی اس کا حصہ ہے اور پہلا ہی میچ میزبان ملک کی ٹیم کا ہوگا۔

تقریبا ایک ماہ تک جاری رہنے والے عالمی کپ کا فائنل 18 دسمبر کو کھیلا جائے گا اور کپ کے دوران روزانہ 4 میچز کھیلے جائیں گے۔

عالمی کپ کے لیے تمام 32 ٹیموں کو 8 گروپس میں شامل کیا گیا ہے اور پہلے مرحلے کے بعد ہر گروپ سے صرف دو دو ٹیمیں دوسرے مرحلے میں داخل ہو سکیں گی۔

فٹ بال کے دوسرے اہم مرحلے کے بعد سیمی فائنلز کا مرحلہ شروع ہوگا اور پھر آخر میں 32 میں صرف 2 ٹیمیں فائنل کھیلیں گی۔

فٹ بال کو دنیا کا سب سے مقبول اور معروف کھیل سمجھا جاتا ہے اور دنیا کے ہر ملک میں اس کے شائقین موجود ہوتے ہیں۔