ٹی ٹوئنٹی ورلڈکپ کیلئے بنگلا دیش کے 15 رکنی اسکواڈ میں دو تبدیلیاں

|

وقتِ اشاعت :   October 14 – 2022

16 اکتوبر سے آسٹریلیا میں شروع ہونے والے آئی سی سی ٹی ٹوئنٹی ورلڈکپ کے لیے بنگلادیش کے 15 رکنی اسکواڈ میں دو تبدیلیاں کردی گئی ہیں۔

بنگلادیش کرکٹ بورڈ ( بی سی سی ) کے مطابق بیٹر صابر رحمٰن اور آل راؤنڈر محمد سیف الدین اسکواڈ سے باہر ہوگئے ہیں ، ان کی جگہ سومیا سرکار اور شریف الاسلام کو 15 رکنی اسکواڈ میں شامل کیا گیا ہے۔

ٹی ٹوئنٹی ورلڈکپ میں بنگلادیش کرکٹ ٹیم کی قیادت شکیب الحسن کریں گے جبکہ دیگر کھلاڑیوں میں نجم الحسین،لٹن کمار داس،عفیف حسین شامل ہیں۔

اس کے علاوہ یاسر علی ،مصدق حسین،نورالحسن،مہدی حسن مرزا،تسکین احمد،مستفیض الرحمٰن ،حسن محمود،نسیم احمد اور عبادت حسین بھی اسکواڈ کا حصہ ہیں۔