نئے اسلامی سال کا چاند نظر نہیں آیا ،لہٰذایکم محرم الحرام 20جولائی جمعرات اوریوم عاشور 29 جولائی بروزہفتہ کوہوگا۔

اجلاس کے بعد چیئرمین مرکزی رویت ہلال کمیٹی مولاناعبدالخبیرآزاد نے بتایا کہ ملک بھرسےچاندکی کوئی شہادت موصول نہیں ہوئی،لہٰذایکم محرم الحرام 20جولائی بروز جمعرات اوریوم عاشور 29 جولائی بروزہفتہ کوہوگا۔

زونل رویت ہلال کمیٹیوں کے اجلاس اپنے اپنے مقامات پرہوئے ، مرکزی اجلاس میں محرم الحرام کے چاند کی رویت کا فیصلہ کیا اور چیئرمین مزکزی رویت ہلال کمیٹی نے نئے اسلامی سال کے آغاز کا اعلان کیا۔

یادرہے کہ محکمہ موسمیات نے محرم الحرام کا چاند آج یعنی 29 ذوالحج بروز منگل نظر آنے کی پیش گوئی کر رکھی ہے۔

محکمہ موسمیات کا مزید کہنا تھا کہ چاند کی پیدائش 17 جولائی کی رات 11 بج کر 32 منٹ پر ہوگی اور چاند نظر آنے کے دوران ملک کے بیشتر حصوں میں بادل چھائے رہنے کا امکان ہے۔

دوسری جانب عرب میڈیا رپورٹس کے مطابق سعودی عرب میں نئے اسلامی سال کل شروع ہوگا۔