وفاقی وزیر شیری رحمان کا کہنا ہے کہ نگراں وزیراعظم کےلیے ابھی تک کوئی نام فائنل نہیں ہوا۔
اسلام آباد میں پریس کانفرنس کے دوران شیری رحمان نے کہا کہ نگراں وزیراعظم کےلیے 3 رکنی کمیٹی بن گئی، نگراں وزیراعظم کیلئے ابھی تو مشاورت کا سلسلہ جاری ہے۔
رہنما پیپلزپارٹی کا کہنا تھا کہ نگراں وزیراعظم کے معاملے پر فیک نیوز چلائی جارہی ہیں، ہمارے ساتھ نہ کوئی نام شیئرہوا،نہ ہم نے کسی نام پراتفاق کیا۔ ان کا کہنا تھا کہ وقت پر الیکشن سے ہی ملکی استحکام ممکن ہے، چاہتے ہیں کہ الیکشن میں لیول پلیئنگ فیلڈ ہو۔
اس موقع پر فیصل کریم کنڈی نے کہا کہ چاہتے ہیں الیکشن جلد ہوں،پیپلزپارٹی الیکشن کیلئے تیار ہے، ہمارا مؤقف ہے اسمبلی مدت پوری کرے، الیکشن وقت پرہوں۔ کہا کہ نگراں وزیراعظم کے لیے اسحاق ڈار کا نام پیپلزپارٹی کے پاس نہیں آیا۔