پاکستان مسلم لیگ ن کے صدر شہباز شریف نے پارٹی رہنماؤں کو حلقوں میں عوام کو پارٹی کے معاشی ایجنڈے سے آگاہ کرنے کی ہدایات دے دیں۔
لاہور میں پارٹی رہنماﺅں سے ملاقات میں گفتگو کرتے ہوئے شہباز شریف کا کہنا تھا کہ چار سال میں ہونے والی تاریخی تباہی ٹھیک کرنے میں وقت لگے گا، عوام کی پریشانیوں کو ختم کرنے کی جامع منصوبہ بندی کرلی ہے۔
ان کا کہنا تھا کہ صرف مسلم لیگ ن مسائل حل کرسکتی ہے اور عوام کو ریلیف دے سکتی ہے۔
اجلاس کے دوران رہنماؤں نے قیادت کو اپنے اپنے حلقوں میں جاری انتخابی سرگرمیوں سے متعلق آگاہ کیا۔