پاکستان پیپلزپارٹی نے بلاول کی انتخابی مہم کا شیڈول جاری کردیا، چیئرمین پی پی پی بلاول بھٹو انتخابات سے قبل چاروں صوبوں کا دورہ کرکے 30 سے زائد مقامات پر جلسوں سے خطاب کریں گے۔
بلاول ہاؤس میڈیا سیل سے جاری اعلامیے کے مطابق بلاول بھٹو 10 جنوری کو صوابی، 11 جنوری کو تاندلیاں والا فیصل آباد، 12 جنوری کو لیہ، 13 جنوری کو بہاولپور اور 14 جنوری کو نصیرآباد بلوچستان میں جلسہ کریں گے۔
چیئرمین پیپلز پارٹی 14 جنوری کی شام خیرپورمیرس جبکہ 15 جنوری کو لاڑکانہ جائیں گے۔
16جنوری کو بلاول قمبر شہزاد کوٹ جبکہ 17 جنوری کی صبح بدین اور شام کو سانگھڑ میں جلسہ عام سے خطاب کریں گے۔