بانی پی ٹی کے این اے 89 میانوالی سے کاغذات نامزدگی مسترد ہونے کے معاملے پر الیکشن ٹریبونل میں جسٹس چوہدری عبدالعزیز سماعت کر رہے ہیں۔

بیرسٹر علی ظفر، عمیر نیازی، لامیہ نیازی سمیت دیگر وکلاء الیکشن ٹریبونل میں پیش ہوئے ہیں۔

بیرسٹر علی ظفر نے بانی پی ٹی آئی کی نااہلی کے خلاف دلائل دیتے ہوئے کہا کہ توشہ خانہ کیس میں سزا معطل ہوئی ہے اور اپیل زیرِ سماعت ہے۔

میڈیا سے گفتگو کرتے ہوئے علی ظفر نے کہا کہ ہم نے عدالت کو بتایا جو اعتراضات میں الزام لگایا گیا ہے اس پر نااہلی نہیں بنتی، عدالت کو بتایا کہ بانی پی ٹی آئی کی توشہ خانہ کیس میں سزا معطل ہوچکی ہے۔

انہوں نے کہا کہ عدالت کو بتایا نااہلی کا فیصلہ آر او نہیں کرسکتا، یہ کوئی عدالت ہی کر سکتی ہے۔