ڈیرہ مراد جمالی:  آئی جی بلوچستان پولیس عبدالخالق شیخ کی ہدایت پر ضلع نصیر آباد پولیس کی جرائم پشہ عناصر کے خلاف منظم کارروائی گزشتہ 2 ماہ کے دوران 118 مجرمان ،

مفرور و اشتہاری ملزمان گرفتار کر لیے گئے ہیں جن میں سے یکم اپریل کو مگسی کلینک ڈیرہ مراد جمالی کے قریب ایک تاجر عبدالکریم عرف اکرم سے چھینی گئی رقم 24 لاکھ روپے سے 20 لاکھ روپے برآمد کیے گئے

دو سہولتکاروں علی شیر اور زاہد حسین کو گرفتار کیا گیا جبکہ ڈکیتی میں ملوث ملزمان کو جلد گرفتار کیا جائے گا یہ بات ڈی آئی جی پولیس نصیر آباد رینج ملک سلیم لہڑی اور ایس ایس پی نصیر آباد ڈاکٹر سمیع اللہ ملک نے پرہجوم پریس کانفرنس میں کی اس موقع پر ڈی ایس پی غلام یاسین جمالی مختلف تھانوں کے ایس ایچ اوز غلام علی کنڈرانی ،

روشن علی کانسی، محمد موسی مری طالب حسین لاشاری و دیگر موجود تھے گزشتہ 2 ماہ کے دوران کروڑوں روپے کی مالیت کی منشیات و اسلحہ اور مسروقہ موٹر سائیکلز اور موٹر کار بھی شامل ہیں جبکہ ضلع خیرپور سندھ مغوی مسمات عائشہ اور شیخوپورہ پنجاب سے اغوا کی گئی خاتون مسمات کبری کو بازیابکر کے ان کے ورثا کے حوالے کر دیا گیا متعدد قمار بازوں اور جواریوں کو بھی گرفتار کیا گیا انہوں نے کہا کہ

نیشنل ہائی وے پولیس کی معاونت بھی رہی ہے بہتر کارکردگی کا مظاہرہ کرنے والے ایس ایچ او و دیگر اہلکاروں کی ہر لحاظ سے حوصلہ افزائی کی جائے گی اور امن و امان کی صورتحال کو برقرار رکھنے کے لیے ہر ممکن اقدامات کیے گئے ہیں

ایک سوال کے جواب میں ڈی آئی جی نصیر آباد نے کہا کہ سندھ کے کچے کے علاقے میں جاری آپریشن کے دوران فرار ہونے والے ڈاکوں کو بلوچستان میں جائے نہیں ملے گی اس سلسلے میں نصیر آباد ریجن کی پولیس کو سرحدی علاقوں میں ہائی الرٹ کر دیا گیا ہے انہوں نے کہا کہ بلوچستان پولیس میں ہاف فرائی اور فل فرائی کا کوئی تصور نہیں ہے ہم قانون کی عملداری پر مکمل یقین رکھتے ہیں۔