کوئٹہ:  آئی جی ایف سی بلوچستان (نارتھ) میجر جنرل چوہدری امیر اجمل نے کہا ہے کہ شہریوں کی دہشتگردوں سے جان و مال کی حفاظت اولین ترجیح ہے پاک فوج اور ایف سی اس کے لئے تمام وسائل بروئے کار لائے گی۔

یہ بات انہوں نے ژوب میں ایف سی بلوچستان(نارتھ) اور ڑوب، شیرانی کے قبائلی عمائدین کے مابین منعقدہ گرینڈ جرگے سے خطاب کر تے ہوئے کہی،

جرگے میں سول و ملٹری حکام، قبائلی عمائدین اور مقامی افراد نے شرکت کی، اس موقع پر علاقے کی مجموعی سیکورٹی صورتحال اور پاک افغان بارڈر مینجمنٹ پر تبادلہ خیا ل کیا گیا، قبائلی عمائدین نے دہشتگردوں کے خلاف کامیاب آپریشنز پر پاک فوج اور ایف سی بلوچستان (نارتھ) کی کاوشوں کو سراہا۔

جر گے سے خطاب کر تے ہوئے آئی جی ایف سی بلوچستان (نارتھ) میجر جنرل چوہدری امیر اجمل نے کہاکہ شہریوں کی دہشتگردوں سیجان و مال کی حفاظت اولین ترجیح ہے پاک فوج اور ایف سی اسکے لئے تمام وسائل بروئے کار لائے گے دہشتگردوں کے خلاف سیکیورٹی فورسز کے حالیہ آپریشنز میں مقامی قبائل کی حمایت کو قدر کی نگاہ سے دیکھتے ہیں،.

اس موقع پر قبائلی عمائدین نے خطاب کر تے ہوئے کہاکہ پاک فوج اور ایف سی کو دہشتگردوں کے خلاف کارروائیوں کیلئے ہماری مکمل حمایت حاصل ہوگی ،قبائلی رہنماؤں نے سول انتظامیہ سے درخواست کی کہ پولیس اور لیویز فورس کی استعداد کار بڑھائی جائے تاکہ یہ امن و استحکام کیلئے اپنا کردار ادا کر سکے۔