وزیراعظم شہبازشریف نے اسمال اینڈ میڈیم انٹرپرائزز ڈیولپمنٹ اتھارٹی (سمیڈا) کے بورڈ کو فی الفور فعال کرنے کا حکم جاری کر دیا۔
وزیرِ اعظم کا کہنا ہے کہ بڑے نجی کاروباری ادارے چھوٹے اور درمیانے درجے کے کاروباری اداروں کو ساتھ لے کر چلیں۔
ان کا کہنا ہے کہ آبادی کا نصف حصہ خواتین پر مشتمل ہے اور ملکی معیشت میں خواتین کا کردار انتہائی اہم ہے۔
شہباز شریف کا مزید کہنا ہے کہ چھوٹے اور درمیانے درجے کے کاروبار سے متعلق فیصلوں میں خواتین کاروباری افراد کو شامل کیا جائے۔
ان کا یہ بھی کہنا ہے کہ برآمدات کے لیے تیار کی جانے والی تمام مصنوعات بین الاقوامی معیارات پر لائی جائیں۔