اسلام آباد:وفاقی وزیر برائے منصوبہ بندی و ترقی احسن اقبال نے کہا ہے کہ گوادر ایئرپورٹ اور سی پیک ٹو سے پاکستان کے لیے خوشحالی کی نئی راہیں کھلیں گی۔پیر کو انہوں نے نجی ٹیلی ویژن سے گفتگو کرتے ہوئے کہا کہ ہم چین کی مدد سے CPEC-II شروع کرنے جا رہے ہیں۔

انہوں نے مزید کہا کہ چین کے تعاون سے مستقبل قریب میں پانچ اقتصادی راہداری بھی کھولی جائیں گی۔ انہوں نے کہا کہ بلوچستان کے لوگوں کے لیے کاروباری سرگرمیاں بڑھانے کے لیے گوادر میں کارگو ہب قائم کیا جا سکتا ہے۔

علاقائی رابطے کے لیے شنگھائی تعاون تنظیم کے کردار پر تبصرہ کرتے ہوئے انہوں نے کہا کہ ریل اور سڑک کے رابطے وسطی ایشیائی ریاستوں اور یورپ کے ساتھ کاروباری تعلقات کو مضبوط بنائیں گے۔ایک سوال کے جواب میں انہوں نے کہا کہ خطے کے اس حصے میں اقتصادی سرگرمیوں کو بڑھانے کے لیے گوادر اور عمان کے روٹس کو بحال کیا جا سکتا ہے۔